s' Laufner Fasnachts Variété
s' Räbeli

E Sensation im Circus Räbeli

Bi de Proobe zum Räbeli Nr. 13 isch d’Bombe platzt. Dr Räbeler hett e Fründin! D’Räbelina Laufonov, e Artischtin us em Circus. Si hett schiints sogar laufnerischi Wurzle und entschtammt e-n-ere alte Laufner Familie wo sinerziit nach Russland usgwanderet isch, und dört im Schtaatscircus e Engagemang gfunge het.  S’Räbeli hett sogar e Bild vo deere Frau entdeggt, wo si grad am Trapez umenanger turnt.

DSCF3767aDie Räbelina hett euse Räbeler eso bezaubert, ass är beschlosse hett, mit dr Räbelina uf Tournee z’goh. Natürlich fehlt eus denne dr Räbeler. Denn ohni ihn gohts nid. Also hett me mit em Räbeli Nr. 13 die letschti Uffihrig no uf d’Brätter vom Schlachthuus chönne zaubere.

Und das isch dr wohri Grund, wieso s’Räbeli uffhört!! Alles angere si schiints numme Grücht.
Em Räbeler und dr Räbelina wünsche mir alles Liebi und Gueti. Villicht wird jo eine vo de zuekünftige Nochkomme vo deene Beede emool dr Wääg nach Laufe finge und d’Tradizion vo sim Vater wiiterfiiehre. Hony soit qui Mai y pense!! (wie euse Reschissör z’sääge pflegt).

                                                              

2016 © Räbeli - s' Laufner Fasnachts-Variété