s' Laufner Fasnachts Variété
s' Räbeli

s' Räbeli 2011

raebeli_2011_daten_400

D'Idee und s'Konzept si vom Patrik Hänggi, Jörg Heizmann, Martha Maggio, Rainer Meyer und Steve Grütter. 

Hinger de Kulisse hälfe eus: Dr Markus Brügger als Bühnischeff und Inschpiziänt. Am Vorhang zieht dr Jan Andres. Fürs Liecht isch dr Georges Wolf verantwortlich. Dr Michael Kurth isch ebefalls bim Liecht. Für e Ton sorgt dr Roger Gumilar. D'Aalage isch vom Duti's Sound. Dr Kurt Sigrist und dr Fabrizio Scordari hei d'Kulisse und Requisite gmacht. Mitghulfe hei s'Luzia Scherrer vo de Chummerbuebe und dr Jörg Heizmann. Denn hei mer no d'Lüfthüler-Clique wo d'Iitritts-Charte kontrolliere und dr Urs Winkelmann, wo als Webmaschter für eusere Internet-Ufftritt bsorgt isch. S'Programmheft, wo das Johr wiider e bitzeli usfiehrlicher isch, hett dr Jörg Heizmann gschriibe und zämmegschtellt. Jä, und denne hei mer do nonemool dr Kurt Sigrist, wo d'Iitritts-Billett und d'Plakätli gschtaltet hett. Är isch überhaupt für d'Grafig vom Räbeli verantwortlich.
Eusi Darschteller und Gruppe, wo im "Wilde Nordweschte" s Unwääse triibe: Lorenz Borer, Fabienne Gilomen, Dominik Hänggi Maini, Marisa Hänggi, Patrik Hänggi, Jörg Heizmann, Jörg Jermann, Andrea Lüthi, Martha Maggio, Margrith Martina, Thomas Marolf, Rainer Meyer, Daniel Neuschwander, Ursula Ramstein, Karin Schmidlin, Raphael Schmidlin, Fabrizio Scordari.
Pfluderi-Fäger Clique, Guggemuusig Chummerbuebe, Dambuure vo dr Schtadtmuusig Laufe, Line Dancers, Laufe und d'Schnitzelbängg "Schtedtli-Indianer" und dr Papageno und d'Papagena.
Jä und nid z'vergässe: S'Räbeli Orcheschter mit ihrem Weschtern, Country und Blue Grass Sound. Dr Leader isch dr Steve Grütter, wo no am Klavier und an dr Gitarre z'ghöre isch. Dr Jörg Jermann isch am Schtehbass, dr Peter Hell am Schlagzüüg, oder so und dr Roland Jermann und dr Fabrizio Scordari ebefalls a dr Gitarre. Dr Roland isch o für die verschiidene Grüüsch während de Rahmeschtüggli verantwortlich. 
 

s'Räbeli-Ensemble

img_9112aB800

S' ganzi Räbeli-2011-Ensemble uf eim Bild und uf einere Bühni.
hinge, vo linggs nach rächts: Peter, Michel, Margrith, Roger, Lorenz, Jölle, Karin, Steve, Andrea, Jörg, Raphael, Marisa, Fabrizio, Martha, Roland, Rainer, Daniel, Ursula, Markus, Dominik
vorne, vo linggs nach rächts: Thomas, Corinne, Patrik, Fabienne

d'Chummerbuebe

837_B800

hinge, vo linggs nach rächts: Unkel Urs, Steffi, Le grand Heinz, Nando
i dr Mitti: Pascal (Puppe), Kathrin (Fritzli), Rolf, Edi, Sven, Marco
vorne: Uti, Mimi, Michèle, Luzia, Vreni, Silvia, Roli

 

d'Dambuure vo dr Stadtmuusig

700_B800

 vo linggs nach rächts: Christoph, Maurus, Dominik, Benedikt, Remo, Patrick, Meinrad, Roger

 

d'Bayport Stompers (Line Dance)

687_B800

 vo linggs nach rächts: Daniel, José, Dorothée, Marianne, Chantal, Christina, Rösli, Claudia, Heidi, Ingrid, Sybille, Roland, Ines, Mirjam

 

d' Pfluderi-Fäger-Clique

670_B800

vo linggs nach rächts: Stephanie, Thom, Brigitte, Roland, Ursi, Urs, Evelyne, Wilma, Regula, Jacqueline, Edith, Julia, Gerli, Dirk, Christian, Martin, Paul und Ueli

 

S'Programm vom Räbeli 2011:

"im wilde Nordweschte"

Dr Eröffnigs-Song, mit Gescht

 

The Räbeli-Ramblers. So heisst das Johr s'Räbeli-Orcheschter. Musikalisch und optisch em Programm aapasst. Zur Eröffnig vom Räbeli 2010 spiile si eus  "Dr wildi, wildi Weschte" vo de Truck Stop. S'Corinne Waldner singt drzue e Text uf Laufner Verhältnis aapasst. Begleitet vom Chörli und mit Line Dance Iilage vo de Bayport Stompers.
Steve Grütter: Bändleader, Gsang, Gitarre, Dobro, Mandoline, Piano, Banjo und Arrangschemänt
Corinne Waldner: Leadgsang und Percussion
Jörg Jermann: Kontrabass, Harp    
Peter Hell: Schlagzüüg, Cayon, Percussion
Roland Jermann: Gitarre
Patrik Hänggi: Keyboard
Fabrizio Scordari: Gitarre, Dobro, Banjo
Chörli: Marisa Hänggi, Raphael Schmidlin, Dominik Hänggi Maini und Patrik Hänggi
Bayport Stompers: lueg uf dr Photi obedraa

phoca_thumb_l_r2011_01 2 003_120 007_120 008_120

"eusi littl Town"

E Määrtbricht vo friehner.

 

 

Text:
Jörg Heizmann

Mit eme martialische Drummelwirbel marschiert dr Südschtaate General "Tschenerel Lang-Mässer" uf d'Bühni. Wie's sich ghört dur e Schpalier vo de Bayport Stompers duure. Är isch uf eme Erkundigungsritt und trifft do uf euseri chlini Schtadt. Will grad Märt isch, isch dr Durchritt erschwert und är hett Ziit, über dr Märt und d'Schtadtväter und -Müeter z'philosofiere. Är chunnt denne zum ene ganz eigene Schluss vo deere Gschicht.
Die Figur wird vom Daniel Neuschwander gspiilt, mit eme amerikanische "tatsch".

 014_120 016_120

"Dr Dudelsagg"

 

 

 

 

 

D' Stamm-Clique vo de Pfluderi-Fäger spiilt dr Dudelsagg. E Marsch wo sich, wie dr Name seit, a d'Kläng vo de Dudelsägg aalehnt. Dr Uftritt mache sie im prächtige Jubiläums-Koschtüüm vom Vorjohr.
Eimool mehr isch d'Pfluderi-Fäger-Clique mit ihrem fasnächtliche Erschiinigsbild e gärngsehene Gascht uf dr Räbeli-Bühni. Notabene zum elfte Mool - also vo Aafang a drbii.

023_120 024_120

"Norde-Süde-Weschte-Oschte"

 

 

 

Text:
Marisa Hänggi,
Fabrizio Scordari

Grad viermool geischtere do zwo komischi Gschtalte durs Programm duure. Es si d'Färteläser, wo dr wildi Nordweschte unsicher mache. Bim erschte Ufftritt hett dr "Don" mieh, sich nach dr Windrose z'orientiere. Jä, wenn är si treue Chnächt, d'Sancha Maria nid hätt. Sie zeigt em dr Wäg.

Dr Don Fabrizio, e elegante, wältfremde., edle, schtolze, überhebliche, inzwüsche verarmte Grossgrundbsitzer us em Süde vo Texas, mit schpanische Wurzle:
Fabrizio Scordari
D'Sancha Marisa, trotz schlächter Behandlig immer no treu ergäbene, bodeschtändige aber naive Chnächt vom Don:
Marisa Hänggi

 027_120 028_120 029_120 030_120

 "S'Traumpaar"

 

 

 

 

Text:
Rainer Meyer

Zwo bekannti Laufner Figure si uf ihrem Beizebummel bim Rest. Törli aacho. Natürlich isch's "OLD LUISE" zue. Nach langem näbe-n-anger duure schnuure mergge si denne, ass niemer serviert. Wo isch ächt s'Luisli? Öbbe im Tännli, em Urs go hälfe? Me wartet no e Rüngli und hett Ziit. über alles und jede z'Briichte. Chunnt ächt s'Luisli no?
Nei, s'chunnt nid, denn s'Törli hett hütt zue.
Rancher: Rainer Meyer
Monique: Ursula Ramstein 

033_120 035_120 031_120 032_120

 "Country-Ländler"

E musikalische Rüggbligg ufs Nordweschtschwiizer Jodlerfescht z'Laufe. Gschpiilt vo de Räbeli-Ramblers, wo mir bim Eröffnigs-Song vorschtelle.

038_120039_120 042_120 045_120

 "Landi-Talk"

 

 

 

 

 

Text:
Roland Jermann

Zwe Laufner Farmer stöh vor em "Farmerlade" und schnuure mitenang. Vorallem s'Handy vom Technik-Freak isch s'grosse Thema. Dr zwöiti Farmer isch ender e bodeschtändige. Do uf eimool wirds heggtisch. D'Farmersfrau vo dr "Old Fiechte-Ranch" rittet i. Ritte? Galoppiere tuet si, will si schtändig uf Droht isch und fascht kei Ziit hett. Si muess aber dringend e Material für e neus Viehgatter chaufe - und was bringt si us em Lade? E virtuelle Gartehaag! Natürlich tuet das dr Technik-Freak interessiere. Är hätt nämmli selle Neegel chauf für si Viehhaag.
Es entwigglet sich denne no e chli Small-Talk - mit eme kuurlige Ändi.

Farmer Tschumi Ändy: Dominik Hänggi Maini
Farmer Imhof Dölf: Lorenz Borer
Farmerin Weber Ruth: Andrea Lüthi

055_120 056_120 054_120 053_120

 "Balz-Duell"

 

Zwee jungi Haudeege im wilde Nordweschte, wo de vorbii-rauschende Dame kennerisch nochepfiffe. Mit allne Mittel versueche si, d'Perle vom Ort z'umgarne. Aber zerscht macht-e-ne d'Muetter e Strich duur d'Rächnig und längt-e-ne s'Milchchesseli zum go poschte. Ungerwägs isch's denne so wiit, es chunnt zum Duell. Wie bi de Duell im Weschte üblich, goht drbii eine übere Jordan.
Dr Siiger dörf denne mit dr Dorfschöne chäsperle. Dr Verlierer läbt als ganz vergeischtigte Ängel witter und schwebt drvo - vermuetlich is Paradis.

Dr Joelle und dr Raphi hei für's Räbeli 11 wiider öbbis ganz schpeziells uf d'Bei gschtellt. D'Muusig isch vom Ennio Moricone, dr Text vo ihne bede.
Howdy: Jörg Jermann
Rowdy: Raphael Schmidlin 

060_120 064_120 067_120 089_120

 "Am Martha-Pfahl"

 

 

 

 

 

 

Text:
Patrik Hänggi

Das hett me denn drvo! Wenn me s'Räbeli reizt, oder sich uffdrängt, isch jederziit e Hauptrolle im-e-ne Sketsch oder Rahmeschtüggli mööglich. Eso isch deene drei do ergange, wo scho mehreri Däg am Martha-Pfahl Höllequale erliide miesse. Werum si do aabunge si, verzelle di drei im Verlauf vo däm Schtügg grad sälber. Öb unqualifizierte Journalischt oder Jodlerfescht-OK-Presidänt mit leere Verschprächige, oder eifach s'"I cha doch noni uffhöre Ärdbeeri", alli si em Räbeli uffgfalle und liide jetz unger dr sadistisch veranlagte indianische Chriegere. Mit ihre "Hilfsmittel" versuecht si s'Läbensgheimnis vo de dreie use z'queele. Wo si eim drvo hett welle dr Skalp abzieh, isch denn dr Reschissör iigschritte und hett mit dr Schlusspointe s'Schtüggli beändet. Jä, und i deere Pointe isch o e wiiters Opfer zum Zug cho, gäll René Merz.
Und über dr ganze Szene hei eusi zwee Geier vor lutter Vorfreud uf neus Fuetter geifferet.
Indianersquaw: Martha Maggio
Kurt Tschan, Journalischt: Daniel Neuschwander
Lotti Zemp, Ärdbeeritorte-Fabrikantin: Ursula Ramstein
Hanspeter Steiner, OK-Presidänt: Thomas Marolf
Zwöi härzigi Geierli: Margrith Martina und Karin Schmidlin

093_120 094_120 095_120 096_120

 "Step by Step"

D'Färteläser zum Zwöite. Dr Don verzellt dr Sancha Marisa sini Erläbnis uf em Ritt mit sim Schtäggepfärdli vom Passwang obe abe nach Laufe, alles "step by step" em grosse Schlagwort vo dr Schtadt Laufe. Gar mänggs Abentüür hett är miesse beschtoh. Scho im Beibel heissem Fahne mit Chnoche druffe um e Chopf ume gschwunge. Wiiter unge hett är miesse e breite Bach überquere, denne z'Laufe am-e-ne Fuessball-Fäld mi Rase us Kunscht duure ritte. Bim grosse Wasserfall isch's Pfärd fascht versoffe wills nid cha schwümme. Also hett ärs as angere Ufer treit. Natürlich hett ihm die bodschtändigi Sancha nüt glaubt und hett o wiider emool s'letschte Wort gha, step by step.
O dä Text hei die beede sälber usgheggt.

122_120 126_120 132_120 134_120

 "Es isch so langwiilig do"

E musikalische Bligg zrugg uf friehner, wo z'Laufe no öbbis gloffe isch. Hütt isch's so langwiilig do, meint eine vo Breitebach. Drbii muess dr Sänger ufpasse, ass em s'Chörli nid ganz iischlooft.
Dr Steve Grütter hett die Melodie arrangschiert und singt grad sälber. Mitghulfe hei em s'Corinne und s'Chörli. Dr Text isch vom Daniel Bucher. Är dörf do eusere beschte Dangg entgege näh.

136_120 138_120 145_120 147_120

 "Märshall Mäx"

E schtadtbekannte Charmeur isch am Schtedtli putze und macht sich a die Vorsitzendi vom rote Huus (nid Roothuus) ane. Wo n'är nid weiss, wo d'Finger aane ghöre rieft sie em "Märshall Mäx". Dä loht si ganzi Autoriteet lo schpiile und verhaftet eusers Trämperli. Drfür gits für dr Mäx denn Schtriicheleinheite vo dr Bluddy Märy.
Aber kei Angscht, dr Roger chunnt wiider. Hett är gseit.
Stroosputzer Meierli: Lorenz Borer
Bluddy Märy: Karin Schmidlin
Marshall Mäx: Margrith Martina
em Meierli si Bäse

150_120 151_120 154_120 161_120

"Papageno und Papagena" 

Dr neu Schnitzelbangg am Räbeli. Mit sinere klassische Melodie hebt är Laufe und Umgäbig dr Schpiegel vor d'Auge. Brav ungerschtützt vo dr Papagena, wo dr Sämpft drzue git.
Die zwöi si o a dr Fasnacht ungerwägs. I dr Zwüscheziit weiss me jetz wär sich unger dr Larve verschteggt. Mir sääge's aber trotzdäm nid.

166_120 169_120 164_120 167_120

 "Lucky Luke vs. Daltons"

D'Tambuure vo dr Schtadtmuusig bruche mir euch nid wiiters vorschtelle, si si scho Johrelang bim Räbeli z'Gascht und die jede Uftritt mit "ÄGGSCHEN" ungerschtriiche.
Das Johr gohts um dr Cowboy, wo gschnäller schiesst, als si Schatte. Natürlich dörfe die vier Daltons do nid fehle. Süscht wer's o kei richtige Comic. 

172_120 173_120 178_120 179_120

"Whisky-Time"

Eso schiggt s'Räbeli d'Lüt i d'Pause. Aber nid ohni weritable Raubüberfall und Aagriff uf's Bortmonnee vo de Zueschauer. Dr "Old Linkshänd" hett sich zum Aafiehrer vo dene Gängschter ufgschwunge und terrorisiert s' ganze Räbeli.

181_120 182_120 185_120 189_120

 

                                                                           P A U S E

 "Gugge-Medley"

O das Johr si d'Chummerbuebe us Zwinge für dr Gugge-Sound verantwortlich. Und wie jedes Johr, isch's Repertwaar und s'Koschtüm em Thema vom Räbeli aabasst. Wo si im Indianerkoschtüm mit eme Lied us de Winnetou-Film ihri Darbietig eröffnet hei, hesch gmeint, de gsehsch dr Old Schätterhand duur d'Prärii dure ritte. Und e mängge im Saal hett Hiehnerhutt becho. Mit eme Lied vo de "Truck-Stop", em Titellied vo "Bonanza", em "Tom Dooley" und mit eme Gruess vo de Ami's, em "YMCA", hei si sich mit eme riisige Applaus vom Puplikum verabschiidet.  

206_120 207_120 205_120 208_120

 "Bluetsbrieder"

 

 

 

mit eme Text vom Patrik Hänggi

Zwe gschtangeni Manne luege dr Fasnachts-Umzug und erinnere sich spontan a frieher, wo si Bluetsbriederschaft gmacht hei und als Chinge und Jugendlichi vo dr Narrefreiheit genosse hei. Jetz im Alter froge si sich, öb si im Läbe ächt alles rächt gmacht hei. Dä Rüggbligg gipfelt denne mit em allsiits bekannte Spruch vo dr Brülle. Är würd si Brülle vo Aafang a nimmi bi me-ne schtadtbekannte Laufner Optiker chaufe.
OLD SCHÄTTERHÄND: Patrik Hänggi
WINETU: Dominik Hänggi Maini

209_120 211_120 214_120 217_120

"Dr Yankee" 

D'Kenner wüsse, das isch nid e Amerikaner, sondern e Fasnachtsmarsch über d'Amis. Pfiffe und drummelet vo dr Pfluderi-Fäger-Clique us Laufe. Mi dunggts, dä Marsch macht süchtig uf nomeh. Wämm's gliich goht wie mir (eme Guggemuusiger) cha sich a dr Fasnacht vollzieh mit dere Fasnachtsmuusig. Am Morgeschtreich, em Umzug und aaschliessend bim gässle triffsch "d'Pfluderi" sicher a. Und am Ändschtreich am Zischig z'Nacht vereint mit dr Junge Garde.

220_120 221_120 223_120 232_120

 "Heimweh-Duell"

 Dr Howdy und Rowdy, oder si's dr Hardy und Rocky, si am blöffe. Jede wott dr Schterger si. Jede wott d'Vorherrschaft ha. Jede wott dr besser si. Eigentlich wie im Läbe. Und eso chunnts dene o use: e Heiweh-Duell nach Schtrich und Fade. Gsunge nach ere ganz bekannte Melody (Highway to hell).
Nonemool mit em Jölle Jermann und em Raphi Schmidlin

236_120 237_120 245_120 248_120

"Im Fümoir" 

 

 

 

 

 

 

Text:
Rainer Meyer

Wenn de nid dinne dörfsch rauche, gohsch halt voruse go paffe. E mängge Wirt hett do sini gmietliche "Vorzimmer" gschaffe. Me seit deene Fümoir. Das hett o dr neui Jung-Beizer vom Tännli-Saloon tscheggt. Und eso trifft me sich zum Rauchzeiche mache, Dringge oder o numme zum schnuure und zum luege, wär so alles uf dr Baselschtroos ume-n-anger isch. E illuschtri Gsellschaft vo Chundschaft, Liiferante und Personal trifft sich hütt dört. Und wie im wilde Weschte üblich, dörf dr chinesischi Choch natürlich nid fehle. Und so wärde politischi Päggtli gmacht - und Laufe chunnt zu me-ne prominänte Schtadtroots-Presidänt. 
Guido: Rainer Meyer
s'Käthy, si Partnere: Andrea Lüthi
Jeannette G.: Margrith Martina
Urs Fleury: Lorenz Borer
Hilcona: Fabienne Gilomen
Hop Sing: Jörg Heizmann

250_120 252_120 256_120 273_120 
274_120

"Unger Beschuss" 

Eusi zwe Färteläser(in) si wiider am schtürme. Dasmool gipflet s'ganze im-e-ne Duell. Mit Hilf' us em Publikum und eme "komische Muusig-Gräät" legt d'Sancha Marisa schliesslich dr "Don" ufs Parkett. Will di zwöi eso nä Lärm mache, cha sich d'Muusig hingerem Vorhang nid uf e Ufftritt konzentriere. Also entfiehrt me churzerhand dr Gascht us em Publikum.
Mit dr Marisa Hänggi und em Fabrizio Scordari und eme annonime Zueschauer.

277_120 281_120 282_120 287_120

 "Country Crossfire"

Und eso wird dr Zueschauer zum Mitgliid vo dr Räbeli-Bänd und schpiilt tapfer uf em Wäschbrätt. Dr Steve hett do mit sine Manne und dr Corinne natürlich e ganz e tolls Country-Schtügg mit allerlei Inschtrumänt iischtudiert und gekonnt uf dr Räbeli-Bühni vortreit.

290_120 304_120 305_120 293_120

"Witer gege Nord-weschte"

So, jetz hei die zwöi Chiifler gnue. Aber sälbscht bim Abschiid näh, gohts nid ohni Schtriit und Meinigsverschiideheit. Zerscht isch me zwar druurig wägem bevorstehende Ortswächsel, aber scho bi dr Richtig wo si wei iischloh isch me wie immer verschiidener Meinig. Aber schliesslich macht me halt doch, was d'Sancha Marisa wott. Dr "Don" dörf drfür dr Schirm i Sunneuntergang traage. Und so verlosst me d'Bühni mit eme schtiilvolle Abgang richtig Röschenz, em Merz entgege.
D'Marisa Hänggi und dr Fabrizio Scordari mit eigene Text und Choreographii.

308_120 316_120 322_120 323_120

"The Rose Garden" 

 

 

 

Text
Patrik Hänggi

Im Rosegarte, em Laufner Altersheim isch dr Teufel los. Jetz wott me do uf däm Areal neui Siidler hole und se do aasässig mache. Aber ohni die renitänte "Alte", wo do ihre Bsitz mit Wort und Waffe verdeitige. Aber die neue Siidler griffe witterhin a. Fascht alli wehre sich gege e Übernahm. Numme eine hett Angscht, wenns chlepft und tuet. Dr Lidl Tscho, dä Angschthaas. Drfür hetts e baar "Old Ladys" wo wüsse, wie me sich wehrt. Jä und denne blötzlich chunnt do e Indianer - e Usländer - wo do wott schtärbe. Aber i däm Rummel inne goht nidemool das, also suecht dä sich e angers Blätzli zum "eingehen in die ewigen Jagdgründe". Und zum Schluss muess o dr Lidl Tscho a d'Segg. Oder meinsch du, froogt dr Stützschtrumpf, es git nöime e Rosegarte ohni Dorne.
Darschteller:
Old Zitterhänd: Dominik Hänggi Maini
Stützschtrumpf: Thoms Marolf
Lidl Tscho: Lorenz Borer
Bluddy Märy: Karin Schmidlin
Miss Solitär: Ursula Ramstein
Pflegerin us em Heim: Margrith Martina
Schtärbender Schwan: Daniel Neuchwander

326_120 329_120 330_120 328_120

"Rose Garden Song"

 

 

Choreographii
Bayport Stompers

D'Bayport Stompers tanze zum bekannte Lied "Rose Garden" vo dr Linn Anderson. Do gseht me, was e gueti Masggebildnerin usmacht. Us de schöne junge Dame und de interessante Herre si blötzlich Insasse vom Altersheim worde, wo uf em Tanzparkett e kessi Sohle (oder so..) aanelegge. Mit viil Gschpür und liebi zum Detail hei si ihri sälber kreeierti Choreographii tanzt.

341_120 349_120 361_120 346_120

"Old Linggs-händers Änd"

 

 

 

 

Text
Patrik Hänggi

Es hett jo eso miesse cho. Dr berüchtigt Gängschter isch tot. Verschosse vo me-ne Unbekannte. Dr Hop Sing und e schtargg aagheiterete Mexikaner fiehre ihn uf em Leiterwägeli uf d'Bühni, zum Abschiid vom Publikum. Är isch bluetüberschtrömt. Zerscht hett öber gmeint, es sig dr Chef vom Sozialdienscht wo im e Zwöikampf verlore hett. Aber dr Merz isch es nid. Also doch dr Old Linggshänd!! Und wo denne die ehemalige Tännli-Wirtin ufftaucht und ihre Ketschöp suecht, chunnt dr Bschiss us. Das rote Züügs isch nid im Old Linggshänd si Bluet, sondern s'gsuechte Ketschöp. Eso hett är sich wiider e Hingertüürli uffegloh für sini Untate.
Old Linggshänd: Patrik Hänggi
Hop Sing: Jörg Heizmann
Mexikaner: Fabienne Gilomen
s'Luisli vom Törli: Andrea Lüthi
Frau Blunschi: Margrith Martina

364_120 367_120 370_120 373_120

"Birsfall-Indianer" 

Kei Angscht, es wird nid gschosse und g'kämpft. Das isch dr zwöiti Schnitzelbangg. Es si zwee bekannti Indianer us dr Räbeli-Szene, wo mit eme schtarge Ufftritt em Publikum dr Schpiegel vorhebbe und uffzeige, was alles eso "gloffe" isch. Emene mängge wird das bekannt vorcho si.
Dr eint hett gsunge und dr anger hett mit Handzeiche uf indianisch übersetzt.

384_120 375_120 387_120 376_120

"Schluss-Song"

 

 

vom Steve Grütter und em Patrik Hänggi

 

Wie immer verabschiide sich d'Protagonischte vom Räbeli mi eme Schluss-Lied. Sinnigerwiis isch's Country-Roads - natürlich mit eme "Laufner"-Text und gsunge vo dr Corinne Waldner. Ihrer tolle Schtimm hätt me no lang chönne zuelose, aber jedes Lied und jedes Räbeli hett sis Änd. Noch und noch si denne alli Darschteller und Delegatione vo de Gruppe uf d'Bühni cho. Und denne hett sich immer e Zwöiergrüppeli vo de Zueschauer verabschiidet. D'Räbelimacher und ihri Mitschtriiter hei denne dörfe e "Standing Ovation" entgegenäh.

Es isch toll gsi und s'Räbeli bedanggt sich ganz härzlich für dr Applaus und für dr Bsuech.

428_120 434_120 832_120 829_120

                                                                                       Sali zämme. Am 4. Hornig 2012 eröffnet s'Hotel Räbeli

"Schponsore"

Mir dangge ganz härzlich eusne Schponsore, Gönner und Hälfer.

RAIFFEISENBANK LAUFENTAL-THIERSTEIN, 4242 LAUFEN

RICOLA AG, 4242 LAUFEN

BDO AG, 4242 LAUFEN

BASLER VERSICHERUNGEN, HERR ERICH LUTZ, 4242 LAUFEN

JULIANA NUFER, 4242 LAUFEN

TROVANTI.CH, 4242 LAUFEN

MÜLLERBAU AG, 4242 LAUFEN

MARIO CARS, 4242 LAUFEN

TABAKWAREN ZUM TÖRLI, 4242 LAUFEN

BORER DRUCK AG, 4242 LAUFEN

DUTI'S SOUND, DIETER HEIZMANN, 4226 BREITENBACH

UND

JEANNETTE GERSTER, ROGER RERAT, HEINZ HOFER - SOWIE

DR LUFTHÜÜLER-CLIQUE, EM ALTS SCHLACHTHUUS, DR SCHPITALVERWALTIG (FÜR E LAGERRUUM), EM URS GOETSCHY, EM CARL IMBER, EM URS WINKELMANN, EM JÖRG HEIZMANN, EM KURT SIGRIST, DR SCHTADTVERWALTIG, DR TROVANTI.CH UND ALLNE, WO MITGHULFE HEI, S'RÄBELI 2011 Z'PRODUZIERE.

 


 

facebook1

2016 © Räbeli - s' Laufner Fasnachts-Variété