s' Laufner Fasnachts Variété
s' Räbeli

s' Räbeli 2012

raebeli_2012_date

 

Idee und Konzept für's Räbeli 2012:

Steve Grütter: Musikal. Leitung, Arrangschemangs
Patrik Hänggi: Regie, Texter, Darschteller
Jörg Heizmann: Programmheft, Texter, Darschteller
Martha Maggio: Koschtüm, Masgge, Darschtellerin
Rainer Meyer: Präss und PR, Texter, Darschteller

 

Texter vo de Rahmeschtüggli

Patrik Hänggi, Jörg Heizmann, Daniel Neuschwander, Rainer Meyer

 

Musikalischi Arrangements und Liedertext

Daniel Bucher, Toni Cueni, Steve Grütter, Patrik Hänggi, Fabienne Jermann, Rainer Meyer

 

S'Drumm und Dra vom Räbeli 2012


Schtaff, Technig:

Beschallig Duti's Sound, Breitenbach
Bühnischeff und Inschpiziänt  Markus Brügger
Grafig  Kurt Sigrist
Iitritt  Lufthüler-Clique
Liechtgschtaltig  Georges Henri Wolf
Liecht  Michael Kurth
Programmheft  Jörg Heizmann
Tonreschii  Didier Maag, Basel
Usschtattig, Kulisse, Billeet Kurt Sigrist, Jörg Heizmann
Vorhang  Jan Andres
Webmaster  Urs Winkelmann

 

Darschteller:

Lorenz Borer, Dominik Hänggi Maini, Marisa Hänggi, Patrik Hänggi, Jörg Heizmann, Fabienne Jermann, Jörg Jermann, Andrea Lüthi, Martha Maggio, Margrith Martina, Thomas Marolf, Rainer Meyer, Daniel Neuschwander, Ursula Ramstein, Karin Schmidlin, Raphael Schmidlin, Fabrizio Scordari

und zwe Überraschigs-Gescht. Nämmli dr Heini Klauser und dr Gloon Roli. 

 

Gruppe wo mitmache:

Pfluderi-Fäger-Clique, Laufe Pfiffer und Dambuure
Chummerbuebe, Zwinge Guggemuusig
Röschenz Dancers Frauen-Tanzgruppe TV Röschenz
Raphi und Joelle zwe Sängerknaben
Dr Räbeli-Schnitzelbangg die gliiche wie immer
Maris und Fabris zwöi Pantomime
   
Mir dangge Eusne zwee Schpezial-Gescht:
em Heini Klauser  
Em Gloon Roli Noirjean  


Eusi Schponsore

(lueg o bi de  Linggs)

Raiffeisenbank Laufental/Thierstein, 4242 Laufen

Ricola AG, 4242 Laufen

BDO AG, 4242 Laufen

Basler Versicherungen, 4242 Laufen
Borer Druck AG, 4242 Laufen
Carrosserie Imhof, 4242 Laufen
Mario Cars, 4242 Laufen
Heinz Meier Haushaltservice, 4242 Laufen
Müller Bau AG, 4242 Laufen
Juliana Nufer, 4242 Laufen
Tabakwaren zum Törli, 4242 Laufen
Trovanti.ch, 4242 Laufen     

Eusi Gönner

Duti's Sound, 4226 Breitenbach 
Gerster Jeannette, 4242 Laufen

Mir dangge

Dr Lüfthüler-Clique für d'Iitrittskontrolle
em Kantonspital Laufen und dr Von Roll AG, Breitenbach für d'Lager- und Proberüüm
dr Firma Trovanti.ch, Laufen fü d'Gratistranspört
em Roman Lampart, Thun für's Filme und d'DVD-Produktion
em Carl Imber, Grindel für's Fotografiere
dr Stadtverwaltig, Laufen für d'Rüümlichkeite für e Vorverchauf
em Kurt Sigrist und sim Hälfer, Jörg Heizmann, für die tolle Plakat, Billeet und Kulisse
De Blue-Sister für dr Barbetriib
Em Urs Winkelmann und em Jörg Heizmann für die tolli Homepeitsch
und allne wo ghulfe hei, ass s'Räbeli 2012 hett chönne schtattfinge

                               

S’Räbeli-Programm 2012:

 

Dr Vorverchauf e gschwätzte Prolog
Hurrei It’s Holiday Dr Eröffnigs-Song, mit Gescht
a dr Rezeption e karriere-geili Gaschtig
Hände reisen ab  Uf em Wääg is Hotel Räbeli
e Hotel-Medley  d’Pfluderi-Fäger als Kur-Orcheschter
Pina Colada dr Raphi und dr Jölle si Hotel-Gescht
Vrschteigerig by „Räbelie’s“  e Animation im Hote
Retraite à discrétion d’Dambuure vo de Pfluderi-Fäger
i dr Chuchi Vier Promi’s bi dr Schtroof-Arbet
Ungerwägs   Zwee Glöön in Richtig Hotel
Horni, Horni, Horni E musikalischs Zwüscheschpiil
bim Zimmer-Service Putze und lavere und läschtere
Campari-Soda Die zwee Barde vs. Mitbewohner
a dr Bar die Tütschen kommen
abg’halftereti Barmuusiger musikalisches Bar-Geplänkel
E Car voller Appezäller E Guggeschtändeli nach em Brünzlihalt
Piano Man Raphi und Jölle bi dr Morgegym.
uf em Sportblatz  Beach Promi-Training
Jubilums-Fondue Maris und Fabris fiire
dr Hofnarr klassisch’s vo de Pfluderi-Fäger
Ba(r)cardi Feeling  E Schlüggli Wii cha nie schade
im Gourmet Reschtorant Wenn Vornähmi uf’s Land göh
Smileys reise ab  Maris und Fabris’s Abschiid
Heimweh-Song  e Homaasch a s’Schtedtli a dr Birs  
Occupy Hôtel de ville E Hampfle Unzfriideniproteschtiere
s’ehrewärte Huus e gsungene Epilog
Mir säge Adiö     s‘ Räbeli-Team verabschiidet sich

 

 

Dr Vorverchauf

E Zuezogene „Basler“ närvt sich wie jedes Johr, ass är i dere Chelti muess
aaschtoh, drmit är zu sine Räbeli-Billeet chunnt. Meischtens isch’s jo scho
chalt, mänggisch sogar sauchalt. Das Johr isch är nimme go Schlange-
schtoh. Wieso är trotzdäm Billeet becho hett, isch nid, will är eine kennt,
wo eine kennt. Nei, är isch uf e geniali Idee cho: Är macht grad sälber mit am Räbeli.

Dä i dr Warteschlange: Heini Klauser

Eröffnigs-Song

Mit em Eröffnigs-Lied vo de Boney M hett s’Räbeli s'Publikum uf s’kommendi Programm iigschtumme.

Dr Steve Grütter hett „Hooray, Hooray, its a Holi-Holiday“ arrang-
schiert und dr Rainer Meyer dr Text uf Laufedüütsch übersetzt. Viil Ver-
gniege mit dr Räbeli-Bänd, de Röschenz Dancers, em Chörli und natürlich
de Räbeli-Macher.

E Adhoc-Chörli begleitet das Johr s’Orcheschter und d’Sängerine und Sänger. Es singe: Marisa Hänggi, Patrik Hänggi und Raphael Schmidlin

 

A dr Rezeption

Do hett sich doch tatsächlich dr Cardinale Silvio im Hotel Räbeli lo iquartiere. Natürlich nid sälber. Das mache sini beede Begleiterinne, d' Schweschter Rubia und d'Schweschter Laetitia. Es brucht alli Überzüügigschraft vo de zwo Schweschtere bis dr Rezeptionischt ändlich glaubt und begrifft, ass die drei numme ei Bett bruuche. Und wo denne dr Kufferetreeger - e schtadtbekannte Laufner Iiwohner - drzuechunnt, wird's total erotisch. Dr Cardinale isch im Elemänt und alli drei verschwinde - Bunga Bunga - uf's Zimmer. Dr Kufferetreeger füdelt mit dr ganze Paggasch hinge dri. Natürlich mit eme verschmitzte Lächle im Gsicht. Amen
D'Persoone si natürlich, wie alli im Programm frei de Original nochempfunde.

Rezeptionischt: Thomas Marolf
Cardinale Silvio: Dominik Hänggi Maini
Schweschter Rubia: Fabienne Jermann
Schweschter Laetitia: Andrea Lüthi
Koffertreeger: Lorenz Borer

Hände reisen ab 

Eusi zwee Glöön säge das Johr nid viil. Doch wenn de ihri Miine beobachtisch, merksch sofort was si wei, reschpeggtive nid wei. Bi däm Schtügg si si uf dr Aareis is Hotel. Mit all de freiwillige und unfreiwillige Erläbnis.

Maris: Marisa Hänggi
Fabris: Fabrizio Scordari 

E Hotel-Medley 

 Das Medley isch vom Toni Cueni us Brislach gschriibe worde und isch e Wariation vo dr Operette im weissen Rössel am Wolfgangsee. D'Pfiffer vo dr Pfluderi-Fäger-Clique hei do e ganz e tolls Schtügg vortreit.

Pina Colada 

Eusi zwee Troubature hei das bekannte Musigschtügg überarbeitet und e neue Text drzue gschriibe. O si si i däm Vortrag uf em Wäg is Hotel. Und wie chönnts angerscht si, o si chönne vo ville Erläbnis briichte.

Raphi: Raphael Schmidlin
Jölle: Jörg Jermann

Verschteigerig by Räbelie's 

E Hotel wo öbbis uf sich hett, bietet de Gescht Animatione und Events a. Mir dörfe dorum a-ne-re Verschteigerig teilnäh. Do wärde zwöi mittlerwiile schtadtbekannti Objet und d'Dienschtleischtig vo eim wo jetz gar nimm uf em Ussedienscht az'träffe isch verschteigeret. Öb dä no e Dienscht leischtet?
S'Roothuus, nei nid das wo sich d'Schtadtrööt tummle, es handelt sich ums Huus vo dr Fam. Roth i dr änge Gass. wird zerscht versteigeret. Zum Zwöite chunnt dr Plüsch-Esel vo-me-ne Polizischt dra. Das Tierli isch bis jetz ganz wohl im Bett vom Tschugger glääge. Nochträglich hett me vernoh, das Tier heissi "Alexli". Die dritti Position isch ebbe die beträffendi Dienschtleischtig vo-me-ne Füdeler (hett's Schannettli gseit).
S'Rothhuus hett e Jung-Wirt vo dr Baselschtroos gschteigeret. Är heigi scho lang e Huus mit Umschwung gsuecht. Hejo um's Tännli umme hett's jo kei Garte. Dr Esel hett dr Halbfinalischt vo DSDS erschteigeret - als Gschängg für dr Schwiigervater, wo Salami drus mache cha. Und süscht schänggt är das Tierli em Dieter Bohlen. "Hony soit qui mal y pense". O dr dritti Verschteigerigspunggt goht a Piero. Eso hett är öbber wo uf d'Familie uffbasst, wenn är ungerwägs isch.

Helga Grübel: Fabienne Jermann
Jeannette Gerster: Margrith Martina
Piero Esteriore: Dominik Hänggi Maini
Urs Fleury: Lorenz Borer
Lotti Zemp: Ursula Ramstein
Horni: Daniel Neuschwander
Nummere Girls: Röschenz Dancers

 Retraite à discrétion

D'Dambuure vo de Pfluderi-Fäger drummele das Klassische Schtügg mit em eigene Ufftaggt. Si si drzue i dr Chuchi vom nöchschte Rahme-Schtügg und serviere em Publikum e Menu ä la Pfluderi. (Dasmool kei Risotto) O dääwääg cha me trummele zelebriere. O das Schtügg isch bim Publikum sehr guet aachoo.

i dr Chuchi 

Das hesch denne drvo, wenn de e Roots-Kolleegin zume-ne Abschiedsässe iiladisch und kei Gäld mitnimmsch. Nid jede hett me Kredit i däm Hotel. Und wenn de schtändig über's Ässe motzisch, goht's drgliich, de landisch i dr Chuchi. Mit weni Begeischterig wird abgwäscht und Gmiess grüschtet und drzwüsche gjomeret und politischi Päggtli gschniert und uf enanger ume ghaggt. Do plötzlich verjaggts dr Chuchischeff, wo im Hingergrund gschafft hett. "So höret uf politisiere, do inne wird gschafft. Und wenn do eine dr Gloon macht, bi -ni das." Und unger dr Larve vom Claude us em Central chunnt dr Gloon Roli (ächt) füüre.

Walther Bucher: Lorenz Borer
Brigitgte Boos: Ursula Ramstein 
Sabine Asprion: Andrea Lüthi

Ralf Jordi: Thomas Marolf
Dr Überraschigsgascht: Gloon Roli

 

 

 

 

Ungerwägs 

Eusi zwee Glöön si jetz ungerwägs. Z'Zwinge schtiige si us und göh uf e Bus. Jä, welli Linie miesse si näh? Will si eimool mehr nid einig si, folgt me em wiibliche Inschtinggt, wenn o mit e-me suure Schtei. Und natürlich isch dä Bus grammlet voll und es herrscht e Druggedde. Und kei wunger schüpft me e-n-anger im Züüg umme. Also es herrscht e "super" Schtimmig. Aber schlussändlich chunnt me doch no as richtige Ort.
S'Marisa Hänggi und dr Fabrizio Scordari bim zwöite Schtügg.

Horni, Horni, Horni 

E musikalischs Zwüscheschtügg mit eme bekannte Querschleeger, Ummetriiber und Wältverbesserer. Är chunnt im Räbeli Nr. 12 mehrmools vor. Aber ohni Töffi. Und saufräch wie dä isch lauft er eifach quer dur d'Produkzion duure und verbreitet eitel Fröid und em Reschissör e paar graui Hoor mehr.
Dä Song chunnt eim irgendwie bekannt vor. Vermuetlich hett är aber e Liederschriiber eso lang blöd aagmacht, bis är e eigene Song übercho hett. Aberd i deere Ziit wo-n-är gsunge hett, isch är drfüür niemerem uf dr Närv gange.

Horni: Daniel Neuschwander
unger dr Mithilf vom Horni 2 a dr Gitarre: Jörg Jermann

bim Zimmer-Service 

E langjöhigi Mitarbeiterin vom Zimmer-Service,  wo us em Schteibogg-Kanton häärchunnt, isch mit eme Volontär, wo eebefalls vo überem Näbel här chunnt, uf dr Tour. Dä Maa hett nämmli welle wüsse, wie das eso zuegoht i-me-ne Sozialiisatz. Hejo, das cha-n-är bruuche, wenn dr Sozialdienscht schpöder zu ihm is Schtadthuus chunnt.
Was die zwöi so alles finge!! Ohni Händsche würd' das Züüg niemer aalänge. Do hett dä Schtadtroot scho rächt. Für ihn isch dä Iisatz aber wichtig, dä Dienscht hilft ihm nämmli Sozial wiiter z'cho. Us was für Gründ die Zwöi aber im Unterland si go schaffe isch jo gliich, denn schaffe muesch ungerem oder überem Näbel; öb de d'Bärge gsehsch oder nid. Und eso isch dr Linard Dangg em Räbeli zu-me-ne Leer..ää Lehrblätz cho.

Linard Candreia: Rainer Meyer
Riccarda: Margrith Martina

Campari-Soda 

Eusi zwee Barde singe das schöne Lied mit eme gruusige Text. Si si nämmli im Hotel aacho und hei s'Zimmer bezooge. Und was si eso aatroffe hei isch nid grad eso hygienisch. Do hetts doch im Sofa Millione vo Milbe, es wimmltet im Zimmer vo Kakerlagge, Schpinne und no e-me Huffe vo so Tierli. Im Chielschrangg hetts Pilzli und Gammelzüügs. Eso chas jo nid verwungere, wenn o sii ihre Biitrag (gsunge natürlich) zu däm tolle Zueschtang gäbe. Isch doch klar, o dr nöchschti Mieter muess es gmietlich ha...

Logischerwiis mit em Raphi und em Jölle

A dr Bar         (die Tütsche kommen)

A dr Hotelbar tummlet sich e unzfriidene Mitarbeiter us em Altersheim und beklagt sich bi dr Barmeid Olga über si Arbet. Will dr Sebastian, so heisst är, us em Schwoobeländli chunnt, redet är natürlich schwäbisch. Är hett e Schissfröid, wo sich dr nöchschti Gascht als Bayer entpuppt. Und denn heisst dä erscht no Sepp und will sich für d'Schtell als Schtadtroot-Schriiber bewärbe. Die Schtell isch zwar scho bsetzt, aber i sinere schprichwörtliche tütsche Bescheideheit isch är überzüügt, ass die Schtell ihm ghört. Und denn briichte di zwee was si denne alles wärde verändere, do i däm Kaff. Und wo's e Ballermann 6 im Rest. Törli sell gäh, und e Schönheitswettbewärb im Schwümmbad plant isch, isch dr Sebastian mit sinere warme Veranlagig im Elemänt. Aber o d'Olga will sich für dä Wettbewärb aamälde. Schliesslich hett si jo extra Prada-Chleider kauft. Dr Sepp merggt denne, ass si kei Schwiizermadel isch und me schtellt fescht, si sige jo scho drei vo deene Masse-Iiwanderer, wo d'SVP eso ne Angscht vorene hett. Jä, und wo denne am Schluss dr Sepp überzüügt meint, d'Ricola-Krütter-Guzzi sige vo de Tütsche  erfunge worde, jagts em Fass grad dr Zapfe ab..

Sepp: Thomas Marolf
Sebastian: Dominik Hänggi Maini
Olga: Andrea Lüthi

abg'halftereti Barmuusiger

Barmuusiger schaffe zwar öffentlich, aber meischtens im Hingergrund und ganz unufdringlich. Aber nach langer, langer Zämmearbet chas wie bim beschte Ehepaar Abnützigserschinige gäh... und scho wird zankt, ohni Rügg- sicht uf Verluscht und Zuehörer.

alternde Barpianischt: Steve Grütter
alterndi Barsängerin: Corinne Waldner

 

Und jetz chunnt doch do dä Süürmel Horni und jaggt s'Publikum i d'Pause go tringge und konsumiere und isch no so fräch und froggt: "wär zahlt mir eine".
So nach ere halbe Schtung isch's denne albe wiitergange.

Aerobic-

Animation 

Drmit's de Ferie-Gescht nid langwiilig wird, hett's Hotel Räbeli e Aerobic-
Gymnaschtig im Programm. Mit viil Fliss und grossem Iisatz wird tanzt
und öbbis für d'Figur gmacht.
Jä, und was isch jetz das? Was hett denn die Lulu do im Sinn? Isch die
ächt liicht aaghuucht? Kei Aahnig vo tanze! Und singe oder so ähnlich
tuet si o no! Wenn das numme guet usechunnt.

Gymaschtig-Gruppe:    Röschenz Dancers
Lulu:                           Fabienne Jermann
Supportere:                 Martha Maggio

 

 bim Wellnesse 

Wenn zwo gschtangeni Fraue uf e Massör warte, hei si enanger öbbis
z'verzelle. Niemer isch sicher vor deene Läschtermüüler. Scho gar nid
d'Gescht vo däm Huus. Weele chönnt für e Kurschatte i Froog cho? Wär
schleppe si am Schluss ächt ab? Zur Not hätte si jo no dr Massör,
sofärn dä ändlich chunnt. Und wo n-är denn ändlich chunnt -  e Kur-
schatte hei si sich aber ganz angerscht vorgschtellt.

Ruth Fringeli:               Margrith Martina
Martha Facchinetti:       Karin Schmidlin           
Masseur:                     Jörg Heizmann

 

 I dr Sauna 

Dr Räbeli-Schnitzelbangg singt oder schwätzt das Johr diräggt us dr
Sauna. Es chönnt dorum si, ass die Zwe e bitzeli warm überchömme.
Hejo, bi deene Nummere-Görls weer's em Schriiber o warm ums Härz.
Und e Schweissusbruch isch jo i dr Sauna natürlich.
Trotz dr Schminggi kennt me se mittlerwiile, die zwee Pointe-Künschtler.
Und will si i deere Form numme am Räbeli z'ghöre und z'gseh si, wei mr's  
dopplet gniesse. Also ab i d'Sauna...

E Ferie-Car voller Appezäller

E Guggemuusig, wo bi-me-ne Churz-Uffenthalt im Hotel Räbeli, d'Glääge-
heit benützt, und eus e gaggophonisch's Schtändeli schränzt. Si schpiile
e tolls Medley mit Feriemuusig zum tröime. Aber kei Angscht, bi deere
Atmosphäre schlooft sicher niemer i. Wenn doch, hett dä  oder die sicher
s'Höörgräät usgschaltet. D'Chummerbuebe us Zwinge si scho so öbbis
wie eusi „Huusgugge" und mir si froh, ass si mit ihrem schreege Sound
s'Räbeli beläbe und beriichere.. 

 Uf em Schportblatz 

S'Räbeli-Volleyball-Team hett s'letschte Johr am Promiturnier (!!) dr erschti
Blatz erfolgriich verdeitigt. Drbii isch o d'Mannschaft vo dr Schtadt Laufe
unger d'Reeder cho. Das isch allem aaschiin a em Schtadtrot suur uff-
g'schtoose – ämmel eim drvoo. Also hett d'Schtadtregierig ihres Team
zumene Trainingslaager is Hotel Räbeli ufbotte. Drbii hett me grad die
neue Dress usprobiert. Und will d'Polidiger halt e eigenes Völgli si,
wird do mehr glaaferet als gliiferet. Wo's denne eskaliert mit Sälbscht-
g'felligkeite, muess dr Teamleiter d'Lüt wiider a d'Arbet schigge.

Walther Bucher:           Lorenz Borer
Linard Candreia:          Rainer Meyer
Alex Imhof:                 Patrik Hänggi
Lilli Kuonen:                 Karin Schmidlin
Brigitte Bos:                 Ursua Ramstein
Sabine Aspion:             Andrea Lüthi
Juliana Nufer:               Fabienne Jermann

 

Im Gourmet Reschtorant 

Im Gourmet-Salon sitze zwe illuschtri Gescht vo vorne-duure. Dr Chef de
Service isch am berote und empfehle, was die zwöi alles chönnte schpiise.
Und wenn me nüd schlächts dänggt, scho si si do: Zwöi vo Obe abe, wo i
dr Lotterii e gediiges Ässe gwunne hei – und dä Träffer usgrächnet hütt
wei iilöse. Do träffe nid numme zwo Äss-Kulture ufenanger.

Chef de Service:                      Patrik Hänggi
Frau Dr.Burckhardt-Sarasin:     Ursula Ramstein
Herr Dr. Merian-Oeri:               Thomas Marolf
Hedi:                                       Karin Schmidlin
Hugi:                                       Dominik Hänggi Maini

 

 Heiweh nach mim Laufe 

E Breitebacher isch i dr Fremdi und besingt sis Heiweh nach Laufe
(d'Melodie isch vo dr Gruppe Plüsch und dr Text vom Daniel Bucher).
Mir hoffe, ass alli e Hampfle Papiirnastiechli im Sagg hei, nid ass is dr
Saal überfluetet. Ungerschtützig bechunnt är vom Chörli und dr Bänd.

E Singende Breitebacher:         Steve Grütter

 

Occupy Hôtel de ville 

Das isch jetz jo Mode: Gege Miss-Schtänd macht me e „Occupy". (E Art
„Bsetzig") So isch's natürlich o im Räbeli 2012. S'uffbrochte Volgg
demonschtriert energisch gege Vorkommnis rund um aktivi und ehemaligi
Schtadtröötene. Sogar Amtskolleege(inne) gseht me mit Transparänt und
Megaphon. Das chönnt no e schpannende Polit-Friehlig wärde...!

Hedi und Hugi:             Karin Schmidlin und Dominik Hänggi Maini 
Juliana Nufer:               Fabienne Jermann
Max Wey:                    Margrith Martina
Sabine Asprion:            Andrea Lüthi
Walther Bucher:           Lorenz Borer
Brigitte Bos:                 Ursula Ramstein
s'Volgg:                       alli angere

 

 Schluss-Song „s'ehrewärte Huus

Und scho wiider heisst Abschiid näh. S'Räbeli verabschiidet sich wie immer
mit eme musikalische Epilog vo sim so treue Publikum und schloht e über-
raschende Booge vom „Hôtel de ville" zum Prolog vom Heini Klauser.         

 

Und jetz si mer g'schpannt ufs Räbeli 2013. Mit "So ne Zirkus"  goht s'Räbeli-Team nämmli i  d'Manesche.

 

>> zu allne Fottene

 

(wird fortgesetzt, je nach Zeitpunkt)

facebook1

2016 © Räbeli - s' Laufner Fasnachts-Variété