s' Laufner Fasnachts Variété
s' Räbeli

s' Räbeli 2009

IMG_6529
IMG_6501
IMG_6439
IMG_6471
IMG_6395
IMG_6333
IMG_6443
IMG_6383
IMG_6330
IMG_6405
IMG_6338
IMG_6414
IMG_6514
IMG_6349
IMG_6483
IMG_6463
IMG_6521
IMG_6401
IMG_6332
IMG_6538
IMG_6407
IMG_6518
IMG_6422
IMG_6394
IMG_6456
IMG_6343
IMG_6466
IMG_6348
IMG_6500
IMG_6541
IMG_6547
IMG_6519
IMG_6358
IMG_6436
IMG_6398
IMG_6360
IMG_6327
IMG_6488
IMG_6455
IMG_6487
IMG_6423
IMG_6372
IMG_6452
IMG_6503
IMG_6339
IMG_6378
IMG_6535
IMG_6392
IMG_6494
IMG_6444
IMG_6386
IMG_6374
IMG_6468
IMG_6450
IMG_6321
IMG_6449
IMG_6461
IMG_6362
IMG_6323

Wo mer uf’s Thema „S’Räbeli druggt d’ Schulebangg“ cho si, hett niemer vo eus a Serafin dänggt. Serafin isch dr Name vom neue Schuelhuus-Projekt vo dr Schtadt Laufe. Will aber kein Gäld umme isch, harzt’s mit em Projegt. Mir vom Räbeli si so frei gsi und hei’s Thema als rote Fade vom Programm 2009 gno.

Übers Thema Schuelhuus und Schuelbangg hei mer is usgiibig chönne verluschtiere und grossi und chlini Laufner und Laufnerine uf s’ Chorn näh. Jo, sogar die ganz grossi schwiizer Polidigg het nid gfehlt, isch doch dr Bundesroot uf Iiladig vom „Brigittli“, exgüsi dr Frau Schtadtroot-Presidäntin, z’ Laufe aatanzt und het em Serafin d’ Referänz erwiise. Es isch fascht kei Thema usgloh worde. So zum Bischpiil die zwöi Beebees wo vom Frieh-Änglisch verzellt (resp.fascht gsunge!) hei. E Schuelklasse wo flissig a Idee büfflet het, wie me zum-en-e Schuelhuus chunnt. Natürlich si das „Promis“ vo Laufe gsi wo im Schuelalter persifliert worde si. E junge Lehrer und dito Lehrerin hei sich a die erschti Liebi erinneret. Chinge, wo’s nid so guet hei wie angeri hei dörfe us ihrem Läbe verzelle. Und natürlich hei eusi bewährte Pfiffer und Dambuure, d’ Gugge-muusig und d’ Damburegruppe vo dr Schtadtmusig Laufe wie jedes Johr für dr musikalisch Effeggt gsorgt.

Und natürlich isch immer wiider dr Schuelhuus-Abwart durch’s Programm kollteret. Wenn er nid grad im Tännli ghoggt isch, eis go zieh!

 

Dr Schtundeplan vom Räbeli 2009

D’Wang
Wie jedes Johr, d’ Räbelimacher mit dr Eröffnig, mit Überraschigs-Gescht und eme tolle Lied

Es hei mitgmacht:

Patrik Hänggi, Rainer Meyer, Martha Maggio, s’Räbeli-Orcheschter mit em Steve Grütter, Jölle Jermann, Peter Hell und Corinne Waldner und als Stargescht: d’Klass 4b vo dr Fabienne Leutenegger

(Danggschön de Pink Floyd wo eusers Lied komponiert hei. Mir hei’s natürlich à la Räbeli umgschriibe)

Dr Abwart
Är reegt sich uf. Kei Schuelhuus ohni Abwart. Also hei mir im Räbeli die Schtell us gschriibe – und si fündig worde. So wie d’Räbelimacher das no in Erinnerig hei, isch die Figur o usecho.

Gläbbt wird die Figur vom Jörg Heizmann.

Uf em Schuelwäg
Wie’s isch und wie’s chönnt sii. Dr neui Musiglehrer philosofiert über e Schuelwäg vo de Chinge. Will viili Eltere d’Chinge zum Schuelhuus anefiehre, git’s e Chaos bim Schuelhuus und d’Chinge verpasse erscht no was de uf em Schuelwäg alles chasch erläbe.

Iifühlsam gsunge vom Roland Jermann mit em Räbeli- Orcheschter und dr Corinne Waldner als Begleitig.

As-falt
E Situazion am Fuessgänger-Schtreife. S’Duo Lach-fältli – zwo Gschtalte wo sich rings ums Schuelhuus umme tummle und d’Gegend unsicher mache. Vo dene Zwöi si mers gwöhnt, ass d’Lachfalte Arbet überchömme und d’Chummerfalte verschwinde.

D’Lachfältli si s’Marisa Hänggi und dr Fabrizo Scordari

Schuelreisli
Rahmeschtüggli mit em Bundesroot. Mit eme Hingergedangge hett d’ Schtadtrotpresidäntin dr Bundesroot zum-ene Schuelreisli nach Laufe iiglade. Natürlich si die hoche Dame und Heere no i dr Usbildig zu erwachsene Magischtrate und hei dorum albe e chli Mieh mit dr Ufmerksamkeit. Nach ere „City-Tour“ i eusere molerische Altschtadt löh denn d’ Frau Presidäntin und ihre Weibel d’ Chatz us em Sagg.

Es si für Euch uf dr Bühni: S'Ursula Ramstein-Rem als Brigitte Boos. Dr Bruno Imhof wird vom Lorenz Borer gschpiilt. Dr Pascal Couchepin schpiilt dr Thomas Marof; d'Micheline Calmy-Rey tuet d'Andrea Lüthi zu beschte gäh. D'Fabienne Gilomen isch d'Doris Leuthard und s'Margrith Martina-Wey schpiilt d'Eveline Widmer-Schlumpf und dr Rainer Meyer dr Hansruedi Merz. Und denn fehlt doch no eine! Richtig, dr Sämi Schmid alias Dominik Hänggi Maini.

Klasseschregg
Zwee Luusbuebe verzelle resp. singe ihri Moritate. E luschtigi Gsangsnummere vo deene zwene Luusbuebe, wo mir garantiert kenne. Es isch kei Schnitzelbangg und es isch kei Rahme-schtüggli. Es si zwee spezielli Luusbuebe, wo sich durs s’ Schuelläbe moogle, triggse, blöffe, bschisse, etc. Die zwee si beschtens bekannt us dr Fasnachtsszeene z’ Laufe. Mir freue eus, ass mir se hei chönne fürs Räbeli begeischtere.

Die zwee Luusbuebe wärde vom Jörg Jermann und em Raphael Schmidlin dargschtellt

Drummel-Schtung
Gigs und Gägs uf de Drummelböggli. Bi dr ältischte Clique vo Laufe cha me o lehre wie me pfifft und drummelet. I dr „Drummel-Schtung“ zeige eus d’ Dambuure vo de Pfluderi-Fäger wie’s chönnt zue und härgoh i so-me-ne Ungerricht.

(D’Note für die Drummelschtung hei si unter beschter Verdanggig vo dr Dambuuregrubbe „Neanterthaler“ us Basel übercho.)

OK Papiirsammlig
Papiirbündel vo rinks und lächts. E Iileitig ufs nöchschte Rahmeschtüggli. Dr Linggshänder git em Publikum aawiisige wie s’Papiir wo sett uf dr Bühni si, vo Hinge im Saal nach vorne chunnt. S’Duo Lachfältli hilft drbi – oder o nid.

Em Patrik Hänggi als Linggshänder goht alles e chli vrcheert. Isch klar, wenn me nid weiss wo rinks und wo lächts isch. Hejo, dört wo dr Duume links isch isch doch rächts. Oder ebbe nid?

Papiirsammlig
Rahmeschtüggli mit Chinge am Fözzele. Mir begleite Chinge vo dr Laufner Schuel bi dr Papiirsammlig. Ihri Kommentär zue all däm wo si do so am Schtroosrand finge isch no cheibe interessant. S’ isch überhaupt spannend, deene junge Lüüt zue z’lose, was si so z’briichte hei, wenn si meine es ghört se niemmer.

s’ Meitli wird gschpiilt vom Margrith Martina-Wey. Dr erschti Bueb vom Lorenz Borer und dr zwöiti Bueb vom Thomas Marolf.

Nonemool dr Abwart
Är isch bim Panini-Bildli sammle.
Hett dä nüd angers z’tue als sinere Sammlig noche z’ renne.

Nonemool dr Jö mit Bäse und Album.

Schön schreegi Muusig
D’Chummerbuebe mit eme klassische Gugge-Mix.
Natürlich hetts o Meitli bi dr Guggemuusig, wo do bi eus ufträtte tuet. Si rahme eigentlich d’Pause i.

 

P a u s e

Dr Abwart macht sich emool nützlich und verteilt Pause-Öpfel

 

The Wall, Part 2
Uf die Art cha me das Schtügg o schpiile. Jetz intoniere si uf ihri Art „the Wall“ vo de Pink Floyd. Wo mir i de Proobe emool hei dörfe go lose, hei mir vom OK ämmel liicht füüchti Auge becho. Mir dängge, es wird euch allne gliich goh.
O sii wärde am Umzug z’ Laufe z’gseh und vor allem z’ghöre si. Mir freue eus uf beedi Uftritt.

Frieh-Änglisch

Mit eusem Schuel-Bangg. Dr Sch(t)uel-Bangg iiebt sich im Frieh-Änglisch-Unterricht. Mir dängge friehner cha me nid aafoh mit Neu-Düütsch, süscht gits irgendwie Problem. Aber wär weiss was euse Erziehigs-Diräggter no alles i Sinn chunnt.

Mir dängge, e Dixionär oder e Übersetzer wer nid schlächt. Dr Sch(t)uel-Bangg isch o kei klassische Schnitzelbangg. Aber das si mer vo deene zweene jo gwöhnt. Numme dunggts eus, si siige das Johr no-ni ganz trogge.. Numme froogt sich: wo?

Dr Thomas Marolf spiilt dr Kevin und dr Rainer Meyer si "Banggnochber" dr Justin.

Pause-Viil-falt
Zombies tanze uf em Pauseblatz, wo vorhär ganz "normali" Schieler Pause gmacht hei.
Do laufts eim grad Chalt dr Rügge abe, bi däm Thriller vom Meikel Tscheggsen, wo s’Räbeli natürlich uf sini Art darbietet.

Abwart bim Glüggere.
Z’ Laufe hinge sells e Wett-Glüggere gäh. Dr Abwart fasst d' Ufgab, so öbbis z'organisiere. Was sone gschtresste Schuelhuus-Abwart nid alles mache muess. Was wotsch mache, wenn d’Frau Schtadtrootspresidäntin befiihlt. Machschs halt – aber jo nid uf em diräggte Wäg. Wie-n-är das Problem löst isch eifach genial.

Sorgechinge-Sorge
Rahme-Sketsch mit dr hüttige Jugend. S’ hüttige Schuel-Aagebot isch efangs sehr viilfältig. Mir si do bi me-ne Gschpräch vo Chinge drbii, wo uf dr Lehrer vom Schpezial-Ungerricht warte und sich über „Gott und die Welt“ ungerhalte. Um was es goht mergget dr denn gli. Dir miesset numme d’Wächschtabe nid verbuechsle.

Für Euch uf dr Bühni:
Vreneli Schitzo alias Fabienne Gilomen. Andrea Lüthi isch d'Eve Depress und dr Dominik Hänggi schpiilt dr Pädi Logo.

Scho wiider dr Abwart
Saumessig amerikanisch aaghuucht.
Dä isch jo richtig Bühni-Geil, dä Typ. Är hett aber e wichtigi Fungzion. Är tuet während em Umbau uf dr Bühni, so Publikum ungerhalte und luegt ass si noni Hei göh.

Pause-Glogge
Ebbe - uf amerikanisch heisst das Liberty Bell à la Pfluderi-Fäger. Im zwöite Schtügg wo mer vo de PF ghöre, dr Pause-Glogge, si denn no d’Pfiffer drbii und es goht aktuellerwiis über e grosse Deich.D' „Liberty-Bell“, isch e wunderschöne, rassige Marsch vom John Phillip Sousa.

Sid em Aafang drbii, beriichere si s’ fasnächtliche Element im Räbeli-Programm. Mir vom Räbeli freue eus, ass si o bim Johrgang 2009 drbii si.

E Linggshänder
E Monolog vo-eim wo-me verbooge hett. Wie sell är wüsse wo linggs isch, wenn är kei Ahnig hett wo oder was rächts isch. Eso gohts eim, wenn dr Pauker resp. d’ Paukerin dir albe die linggi Hang uf e Rügge bunge hett, drmit de rächts schribsch.

Euse Linggshänder isch e so-ne arme „Cheib“ (Nid numme är o dr Schriiber vo deene Ziile do isch e so ne Opfer)!

Dr Patrik Hänggi isch dr Linggshänder

Rekrute-Schuel
Zucht und Ornig mit Drummele. D’ Dambuure vo dr Schtadtmuusig Laufe brilliere als schtrammi Rekrute mit Zucht und Ornig, wie’s die meischte vo ihne im Militärschpiil als Militär-Dambuur glehrt hei. I lose Abschtänd trätte si albe bi eus im Räbeli uf. Es sig denn, si trainiere grad wiider emool für d’ Schwiizermeischterschaft.

Si hei eus folgendi zwöi Drummel-Schtügg mitbrocht: "Andante’s Peak, Power Edition und Jack Daniels.
Proscht! Mir meine natürlich viil Vergniege.

Liebes-falten
Wär tuet mit wäm Liebesbriefli ustuusche? Wie isch das gsi friehner? Me hett d’Liebesbriefli heimilch ungerem Pult duregäh, oder so. Nid wie hütt mit settige unromantische SMS.
Im vorliigende Schtüüg zeige eus die Zwöi wie me cha e Liebeserklärig ohni Wort a Maa oder a d’Frau bringe.

Nonemool Marisa Hänggi und Fabrizio Scordari.

DAZ für Lehrer

Rahme-Sketsch mit hüttige Lehrer. Eigentlich heisst DAZ „Deutsch für ausländische Zuzüger“. Aber i dr hüttige Ziit isch es gar nid schlächt, wenn’s emool umgekehrt isch und eusi Lehrer lehre d’ Schprooch vo de Jugendliche reede. Die eint oder dr anger wird sicher Mieh ha drmit, aber schade chas jo nid, wenn d’ Lehrer wüsse vo was d’ Schieler rede.
I däm Sinn gniesse mir dä Rahme-Sketsch.

E Schüler als Lehrer schpiilt dr Dominik Hänggi Maini. Als Lehrer hogge uf dr Schuelbangg:  Ursula Ramstein-Rem, Lorenz Borer und Daniel Neuschwander

Erschti Liebi
Zwe Lehrer dängge zrugg a die erschti, zarti Liebi.
Wär hett se nid scho erläbt, die erschti Liebi! Dr erschti Schuelschatz! Wie im richtige Läbe, e Thema voller Missverschtändnis und falsch verschtangene Scheste.

Die Ballade wird gsunge und gschpiilt vo dr Corinne Waldner und em Roland Jermann

S nöiie Schuelhuus
Im letschte Rahmeschtüggli finge d’Schieler e Lösig vom Problem vo dr Schtadt Laufe.
Mir hei doch do z’ Laufe e riisigs Problem. Mir sette e neus Schuelhuus baue, drmit d’Schuel cha de Aaforderige vom neue Schuelgsetz entspräche. Aber mit was finanziere? Gäld hett d’ Schtadt Laufe keis. Ergo, me suecht Schponsore, wo dä Bau finanziere. Mir vom Räbeli hätte do e Idee. Halt, eigentlich hei d’ Schieler vo Laufe e geniali Idee. Me gseht, scho im Chinge-Alter hei gwüssi, hüttigi sich wichtig nähmendi Persone (VIP) vo sich rede gmacht. Gliich wie hütt, chasch nid alles bruuche, wo do so blabberet wird. Aber eusi Chinge si gnue sälbschtkritisch, ass sie am Schluss mergge, was für si guet isch.

Am letschte Rahmeschtügg si beteiligt:

E schträngi Lehrerin wo s' Ursula Ramstein-Rem schpiilt. Denn hei mer's Tineli Richterich alias Margrith Martina-Wey. Dr Rogeeli Meyer wird vom Lorenz Borer gschpiilt, d'Lily Kuonen vom Andrea Lüthi; s'Marianli Ruf vom Fabienne Gilomen; dr Rogerli Chalon vom Patrik Hänggi; dr Stoffi Ugolini wird vom Rainer Meyer g'lacht;  Dr Hermannli Imhof vom Thomas Marolf und dr Daniel Neuschwander isch dr Ral phli Jordi.

Dr Abwart zum Letschtemool
Är muess scho wiider dr Sämpft drzue gäh.

Dä armi Maa hett nid emoll chönne si Schtange fertig dringge im Tännli. Aber Pflicht rieft und die vom Schtasche hei welle ufruume hinger em Vorhang, drmit s’Schlussbuggee cha im-e-ne würdige Rahme über d’Bühni.

Do gits eigentlich nüt me drzue z’säge.

D’ Schuel isch us
S’ goht nonemool unger d’Hut. s’ Räbeli Schlussbouqet. No einisch uf d’Bühni, no einisch alles gäh und denn am Schluss dr Applaus ineschlüürfle.

 

Und ganz schpeziell:

Viile Dangg a eusi Schponsore  

  • Raiffeisenbank Laufental/Thierstein, 4242 Laufen
  • Ricola Vertriebs AG, 4242 Laufen
  • BDO Visura, 4242 Laufen
  • Basler Versicherungen, 4242 Laufen
  • Mario Cars, Mario Lucidoni, 4242 Laufen
  • Juliana Nufer, 4242 Laufen
  • Müller Bau AG, 4242 Laufen
  •  Duti’s Sound, 4226 Breitenbach

und Gönner 

  • Schreinerei Jermann, 4242 Laufen
  • Hübscher AG, 4242 Laufen 

Mir säge Danggschön viilmool

  • em Milchhüüsli für d Pause-Überraschig
  • de Lufthüler-Waggis fürs Hälfe am Empfang
  • em Jan Andres us Laufe fürs Bediene vom Vorhang
  • em Jeannette Heer fürs schniidere vo de Schpezialkoschtüm
  • em „alts Schlachthuus“ fürs Gaschträcht
  • em Kantonsspital Laufe für euse Lager- und Proberuum
  • dr Firma Trovanti für d’Transpört
  • em Urs Goetschy für’s filme und d’ DVD
  • em Walter Imber für d Fotene
  • em Kurt Sigrist und em Lorenz Trottmann für die grossi Mithilfe bim Programmheft und de Plakat
  • allne deene, wo uf irgend e Art mitghulfe hei, ass mir euse Aalass chönne duurefiehre.
  • e schpezielle Dangg eusere Darschtellerinne und Darschteller, de Pfluderi-Fäger, de Chummerbuebe, de Schtadtmuusig-Dambuure, em Huusorcheschter, em Staff und de Kulissebauer
  • dr Brigitte Halbeisen und em Peter Weber für e Proberuum i dr Aula vom Primar-Schuelhuus
  • und nid z’letschte em Urs „uwi“ Winkelmann als Schöpfer vo dr neue Hoompeitsch

 

 

Adiö zämme. Mir gseh und ghöre eus wiider am 30. Jänner 2010 (bis am 4. Hornig 2010), mit em Motto s’Zähni – 10 Johr s’Räbeli

© Jö

facebook1

2016 © Räbeli - s' Laufner Fasnachts-Variété