s' Laufner Fasnachts Variété
s' Räbeli

s' Räbeli 2008



 

20a
11a
12a
20b
21
28b
23a
14c
28j
28d
01a
25e
22d
09
06
22f
28i
22b
24b
18d
23
16d
19
16b
27a
08a
25f
08b
09b
21b
17a
18a
22c
27b
09a
15a
13
20c
05b
22e
14b
02
28f
13a
21a
05a
04c
06a
17c
16a
01b
18e
28a
17d
07b
07
08
25d
16c
22a
04a
12b
18b
10c
03a
24
24a
27c
05
28g
19b
11b
04b
19a
10a
25c
13b
23b
12
10b
28h
18f
03b
12c
15b
28e
07a
17b
25b
16e
14a
25a

... und no meh Bilder hett's im Fotti-Album

 

Es war einmal……

Härzlich willkomme zum Räbeli 2008

Es isch Euch, liebs Publikum sicher ufgfalle, ass im Schtedtli Laufe allme so komischi Gschtalte ungerwägs gsi si? Eus vom Räbeli isch’s uf jede Fall uffgfalle. Us allne Egge und Chäller si si uferschtange: die totgseite Figure us friehnere Ziite und hei sich unger die hüttigi Prominänz gmischt.
eusi Räbeli-Spione wo sich verchleidet im Schtedtli umenanger triibe hei, hei das alles notiert. Falls Euch, liebs Publikum öbbe s’Rumpelschtilzli, begegnet isch, hett das nütt mit eme schtadtbekannte Brüllefligger z’tue. O die bösi Häx oder dr edli Ritter si frei erfunge, hei aber e gwüssi Ähnlichkeit mit Lüüt us eusem Alltag. Eso hei eus Räbeli-Macher die Figure zumene neue Opus inschpiriert. Und so isch s’Räbeli 2008 entschtange. Wenn numme das verd… Hochwasser nid cho wer und eus alli Manuskript d’Birsab gschwemmt hätti. Eso isch halt s’Rumpelschtilzli und die bösi Häx nid im Programm. Dr edli Ritter hetts wägere schpezielle Eigeschaft schlussändlich doch no gschafft. Und o dr Schtadtroot hetts das Johr wiider fertigbrocht, eus mit Themene z’ungerschtütze. Aber loset und lueget doch sälber.

Mir vom Räbeli wärde wie all Johr alles gäh und wünsche Euch e paar märlihafti Schtunge, e huffe Schpass und

V i i l   V e r g n i e g e !


Eusers märlihafte Programm


Siibe Zwärgli butzte und fligge em Töifel e Ohr ab.
Nach däm Johrhundert Hochwasser si e HuffeZwärgli als Hälfer bim Ufruume im Iisatz.
S’Ensemble bim Zwägedanz.

Verzell doch kei Märli.
Wie jedes Joor, d’Räbeli-Macher mit em Eröffnigs-Liedund mit tatchreftiger Ungerschtützig.
Wenn d’Räbeli-Macher mit em Räbeli-Orchester uf dr Bühni si, gohts ändwäder los oder s goht em Änd zue. O das Johr dörfe mir wiider uf Ungerschtützig zelle. Siibe Zwärgli hälfe mit, s Publikum uf die kommende öbbe zwo Schtung Programm ii z’schtimme.
Es fallt eifach uf, ass d’Zahl Siibe im Märli und o i dr Wirgglichkeit immer wiider vorchunnt.
Es si drbii: Patrik Hänggi, Rainer Meyer, Martha Maggio, Jörg Heizmann, Lorenz Trottmann mit em Räbeli-Orcheschter: Steve Grütter Renato Henz, Peter Hell em Corinne Waldner sowie s’Ensemble.

Es war einmal... Dr Märliverzeller in Aggzion.
Gmietlich hoggt är i sim Ohresässel und liist eus us sim grosse und umfangriiche Buech Episode us dr Märliwält vor. Är chunnt mehrerimool vor im Räbeli 2008. Was är z’brichte hett? Löh mer is überrasche, schliesslich weiss numme är was i däm rätselhafte Buech gschriibe schtoht.
Märliverzeller: Lorenz Trottmann

E fasnächtlichs Intermezzo

Pfiffe und drummle i dr klassische Form.
Jedes Johr dörfe mir uf se zelle. Und mir wüsse, ass si Schpass drahei, em Publikum z’ zeige, was si musikalisch druffhei. Jedes Johr studiere si spezielli Schtüggli fürs Räbeli i; em Motto gerächt. Aber o die klassische Stüggli chömme nid z’churz.
Unger dr Leitig vo dr Brigitte Schmidlin (Pfiffer) und em Martin Rem (Dambuure) drummle und pfiffe si für eus: „Dr Hanswurst“: e klassische Fasnachtsmarsch, dreischtimmig für Piccolo und Drummle. Gschriibe vom René Brielmann im Johr 1982

… und eso isch’s cho
Dr Märliverzeller zum Zwöite

Dr Neptun

Gott vo de Fluete – Chef vom Meer
Irgend öbber muess doch Tschuld si, ass es s Schtedtli Laufe immer wiider überfluetet! Mir vom Räbeli glaube, die Schuldige usgmacht z ha. Scho i dr Bible hetts nach em ungattige Triibe vo de Lüüt nämmli gheisse: „Ig schigg e bitzli Wasser und schpiel se alli furt.“  I däm Sinn und Geischt muess me em Neptun si Uftritt verschtoh. Är wird vo zwöine Meerunghür begleitet.

Neptun: Jörg Heizmann
Zwee Riisekraake us dr Birs

Und da sie nicht gestorben sind
Zwe hochgschwemmti Type uf em Ego-Trip
Jetz hett doch das Hochwasser zwee merkwürdigi Gschtalte us dr Mottechischte nach obe is Schtedtli gschpielt. Und natürlich hei si ihre nöischwizerische Dialäggt nid im Chäller gloh.
Liebs Publikum, grad dreimool dörfet dir dr Patritsch und dr Dominitsch bi eus im Räbeli gniesse:
Und da si nicht gestorben sind
Hend’zel und Gerd’el
Die Gebrüder Schlimm

Dominitsch: Dominik Hänggi
Patritsch: Patrik Hänggi

Dinner for two
So Sorge hett me halt numme uf em Brummbärg
Uf em Brummbärg lost me s Schwizer-Radio und vernimmt, ganz Laufe isch überschwemmt! Ganz Laufe? He nei, dört obe hetts no alle Salad im Garte. D Bluemechischtli si o no dört, wo si miesse si. Also chas doch gar nid eso schlimm si. Viil wichtiger isch d’Froog, öbs no gnue z' dringge im Chäller het.

D Frau: Karin Schmidlin
Dr Maa: Lorenz Borer

Dr Schnurrebegg
s bängglet zum Erschtemool.
Es fröid eus usserordentlich, ass mer das Johr zwe Bängg chönne presentiere. Dr Schnurrebegg isch nöi bi Eus. Das Duo brichtet vo de Vorkomnis z'Laufe - bi eus im Räbeli und a dr Fasnacht.
Dr zwöiti Bangg isch i deere Zämmeschtellig numme am Räbeli z’ghöre. Jedes Johr tritt är mit eme angere Name uf. Das Johr isch’s dr Rumpel-Bangg. A dr Fasnacht heisst er denn angerscht und hett o nid ganz die gliichi Bsetzig.
Wär sich hinger dr Larve verschteggt wird vo eus nid verroote.

Dr Schnurrebegg - ??

Schneewittli’s ewigi Liebi
Mir hei wiider e Guggemuusig. Nämmli d’Chummerbuebe im Märlilang.
De Chummerbuebe sei Dangg, hei mir wiider e Guggemuusig uf de Brätter vom „Schlachthuus“. Die 17 Blöser und Schlagzüüger hei extra für euses Märlilang e Schtügg iigiebt. So öbbis wie em Schneewittli si ewigi Liebi, oder so. Mir fröie eus uf jede Fall, ass mer mit dr Guggemuusig s fehlende Fasnachtselement wiider im Aagebot hei.
Si trätte no e zwöitsmool uf und löh ihre Schlagzüüger so richtig lo rumple und pumple.


Hochwasser-Tuurischte

Zivilschutz-Heinzelmännli bim fötele.
Me isch doch froh, wenn die unsichtbare Kärli hälfe, s'Schtedtli wiider schön z'mache und 's zum nöie Läbe z'erwegge. Bevors sowiit gsi isch, hei si natürlich miesse s' Schtedtli inschpiiziere. Äxtra fürs Räbeli und usnahmswiis hei si sich sichtbar gmacht und si i verschiidene Szeene und Koschtüm ungerwägs. Was dene zwöi gfitzte Hälferli alles i Sinn chunnt wärde mir hütt’ z Obe erläbe.

Heinzelmännli 1 - Marisa Hänggi
Heinzelmännli 2 - Fabrizio Scordari

Es rumplet und pumplet
dr Schlag vo de Chummerbuebe mit eme Solo.
Do gits nid viil z’erkläre. E Schlagzüüg-Solo isch immer öbbis tolls.

Heinzelmännli-Schpiegelig

S goht o ohni z’rede – muesch eifach guet luege.
Die zwöiti Szene vo euse zwöi Heinzelmännli

Schpiiglein, schpiiglein

S erschte Rahmeschtüggli zeigt gwüssi Eitelkeite uf.
Es git tatsächlich Lüüt die chönne nid ammene Schpiegel vorbiilaufe. Nei si bliibe schtoh und luege dri. Wie wenn de würdisch öbbis angers gseh als di sälber. Jä, aber isch me das wirgglich immer, wo eim do entgegeluegt. Jä, und was machsch, wenn sone hochwassergschädigte Schpiegel im Schtedtli blötzlich foht afoh rede? E paarne „Prominänte“ isch das wirgglich passiert. Mir vom Räbeli hei das sälber gseh und ghört und chönne s' bezüüge..

S Schannettli - Margrith Martina-Wey
Hochwürden Trauffer-Thomas Marolf
Altbundesrat Blocher - Lorenz Borer
Zauberschpiegel - Fabienne Gilomen

Räge, räge Tröpfli
Em Turmwächter si Hochwasser-Song.
Vom Törli obe abe luegt är i d Rundi. Loht si Schpärberbligg übers Schtedtli loh gleite und tuet all Schtung d’Ziit usriefe. So isch das frihner albe gsi. Hütt-zu-Daag, wo alles so gschnällläbig isch, cha me kei Turmwächter me bruche, dä chunnt jo nimme noche mit rotiere. Kei Turmwächter me bruuche? Wenn mer im letschte Auguscht so eine gha hätte, wer sicher nid alles so usecho wie’s denn cho isch.
Also lose mir halt eusem Turmwächter zue, was är zur Situazion z'säge, resp. z'singe het.
Dr Titel Räge, Räge Tröpfli singt är im erschte Teil.  Mit Singe im zwöite Teil tuet är öbbis zum nöie Schtedtli biitrage und drmit euses Programm berichere.

Turmwärter -  komponiert und gsunge vom Roland Jermann

Dr gschtifleti Nobby
Im 2. Rahmeschtüggli tummle sich Ehregescht uf de Brätter wo für d’ Hauptperson d’ Wält bedüdde.
Wenn d Euro 08 d’Schwiiz i Bann vom runde Läder zieht, dörf natürlich dr FC Laufe nid fehle. Churzerhand fiirt me s 100-jöhrige Jubiläum, mit viil Brimborium und eme Huffe Ehregescht us Nah und Fern. Und wäreli wär isch do predeschtiniert, das Fescht und dr Jubileumsaggt dure zfiere. Natürlich, dr Fränky-Boy us Laufe. S Räbeli hett für Euch dörfe drbii si.
Folgendi Gescht tummle sich uf dr Jubileumsbühni, irgendnöime z'Laufe:

Nobby Bloch - Rainer Meyer
Martin „Dongi“ Schmidlin - Thomas Marolf
Rainer Felber - Lorenz Borer
Dölf Kamber - Karin Schmidlin
Joseph „Sepp“ Blatter - Daniel Neuschwander /Jörg Heizmann
Irene Imark - Martha Maggio
Tschiirliiders - Ursula Ramstein-Rem, Margrith Martina-Wey, Fabienne Gilomen

Dr Märliverzeller lyrisch und in Prosa bittet zur Pause.

Jetz isch Pause

S goht witter
dr Märliunggel verzellt öbbis und chunnt unerwartete Bsuech über vom Pink-Panther.

Hänsel, Nils, Pipi & Gretel
D Pfluderi-Fäger mit Pfiff und mit ere Erscht-Ufffiehrig.
„Hänsel, Nils, Pippi & Gretel - e Potpurri wo dr Toni Cueni vo Brislach arrangschiert hett. Es isch e Wält-Uruffiehrig wo do im Räbeli zelebriert wird. Mir dangge em Toni Cueni ganz härzlich; tuet är doch nid s’erschtemool für d’PFL Schtüggli arrangschiere.

Rumpel-Bangg

s bängglet zum Zwöitemoool.
S’ fröid eus usserordentlich, ass mer das Johr zwe Bängg chönne presentiere. Dr Schnurrebegg isch nöi bi Eus.
Dr zwöiti Bangg isch i deere Zämmeschtellig numme am Räbeli z’ghöre. Jedes Johr tritt är mit eme angere Name uf. Das Johr isch’s dr Rumpel-Bangg. A dr Fasnacht heisst er denn angerscht und hett o nid ganz die gliichi Bsetzig.
Wär sich hinger dr Larve verschteggt wird vo eus nid verroote.

Dr Rumpel-Bangg - ??

S Schlossbrüttli
s'armi Brigittli und dr flotti Ritter Rottet, ganz in Frottée.
Was nützt eim e Schloss mit allem Pomp und Firlefanz, wenn de dinne gfange bisch. Eso gohts natürlich eusem Schlossbrüttli Brigitte. Leider hett si nid eso langs Hoor wie sinerziit s' Rapunzel.
Und eso wartet natürlich dr flotti Ritter Rottet ganz in Frottée vergäbe – oder öbbe nid?!

S Schlossbrüttli - Rainer Meyer
Dr Ritter Rottet - Thomas Marolf
Lorenz Trottmann und s Räbeli-Orcheschter

Heinzel-Zivilschützer im Wald
D Ufgoob vom Zivilschutz ischs, de Angere z’hälfe. D’ Heinzelmännli nämme sich das z’ Härze

Hend’zel und Gerd’el
zwöi ver(w)irrti Gschwischter im dunggle Tannewald
Dr zwöiti Uftritt vo deene zweene us dr Motte- Chischte. Frei nach eme Märli vo de Gebrieder Grimm

Singe mit em Turmwächter

Wo man singt, da lass Dich nieder, dass Glück der Welt sind unsere Lieder
Dr Roland Jermann mit sim zwöite sälber komponierte Lied

Das tapfere Steinerlein
S dritte Rahmeschtüggli isch e Metamorphose vomene Märli zu-me-ne Märli.
Wär kennt nid Gschicht vo siibe (scho wiider Siibe) uf ei Schtreich? Wär hett nid emool welle s tapferi Schneiderlein si? Mir si do eim begegnet, wo das nid numme hett welle si, sondern es o isch. Uf richtig Laufetalerdütsch heisst das nämmlig Schteinerlein. Und öises Schteinerlein kämpft natürlich heldehaft gege die siibe fette Fliege, wo ihm hei welle dr Mischt abem Kunschtraase frässe. Dr Räschte vernämmet Dir vo dr Gschichte-Verzellere.

Verzellere: Ursula Ramstein-Rem
S tapfere Schteinerlein: Daniel Neuschwander / Patrik Hänggi
Strassenhändler/in: Lorenz Borer
Und e ganze Schwarm Fliege
 

D Heinzel-Zivilschützer
zerscht wird gschafft, denne musiziert. Gniesse mer se nonemool d’ Heinzelmännli.

Bremer Statt-Musikante
Eusi Huusbänd zeigt was si uf em Chaschte hett. Si gniesses o, emool chönne druflos haue ohni uf Teggscht und s Tämpo vo de Schauschpiiler miesse Rüggsicht näh. Mir gniesses, ass mer emool numme chönne zuelose. Mir fröie eus uf e Solo-Ufftritt vom Huusorcheschter.
Und das si se:

Lorenz Trottmann - Bändliider und Keyboard
Steve Grütter - Gitarre
Renato Henz - Bass
Peter Hell - Schlagzüüg
Corinne Waldner - Gsang

Die Gebrüder Schlimm
Brudeer Nitsch und Brudeer Tritsch uf ihri Art im Märlilang.
Eso cha me natürli o e Märli verzelle reschp. Darschtelle. Es git schiints kei Märli ohni Gwalt und Erotik.

Wach g’küsst
S' letschte Rahmeschtügg; mit Häppy-Änd für e verwünschts Schtedtli.
S' ganze Laufner Schtedtli liggt imene tüüfe gsunde (Dornröschen)-Schlof. Im Casino würds heisse „rien ne va plus“. Und so macht sich e kecke junge Rittersmann uf d Sogge und trifft mit sim Hofnarr, em Roschée de Schalong z Laufe i. Natürlich glingts ihm (reschpeggtiv em Hofnarr) is dorneverwachseni Laufe-Schtedtli i zdringe. Jo und jetz foht eusi Gschicht a. E schweri Arbet für e edle Ritter, bis er s ganze Schtedtli ufgweggt hett. Jä nu, uf jede Fall si am Schluss alli wach und danggbar und hei e guets Iifernäh ungerenanger – bis es um e unseligs Gschängg vo dr Schtadtregierig goht. Und wies im richtige Läbe o isch, jede wotts schönere und s’grössere. Und scho isch d’Harmonii flöte gange.
Für eusi Zueschauer si uf dr Bühni:

Ritter Roland vo de färne Niderbärge: Thomas Marolf
Si Hofnarr, Roschée de Schalong: Daniel  Neuchwander /Patrik Hänggi
Verwunscheni Frosch -  Christian Hamann:  Lorenz Borer
D Schtiefmueter vom Schuelade: Margrith Martina-Wey
D Frau Holle vom Hüüsler-Näscht: Martha Maggio
Grossmueter Kärn: natürlich d'Karin Schmidlin
Die goldigi Pächmarie vo dr Schtedtli-Bangg: Ursula Ramstein-Rem
S Rotchäppli vom Dessous-Lade: Fabienne Gilomen

…so leben sie noch heut’ Euse Märliverzeller macht e würdige Schluss und leitet übere zur

Schluss Nummeree
E märlihafte Schluss-Blues, mit allne Darschteller und Musiger, wo nonemool Alles gäbe.


Mir dangge eusne Schponsore und Gönner:

  • Raiffeisenbank Region Laufen, 4242 Laufen
  • Ricola Vertriebs AG, 4242 Laufen
  • BDO Visura, 4242 Laufen
  • Basler Versicherungen, 4242 Laufen
  • Mario Cars, Mario Lucidoni, 4242 Laufen
  • Juliana Nufer, 4242 Laufen
  • Müller Bau AG, 4242 Laufen

 

Beschte Dangg

  • dr Beggerei Kärn für d Pause-Überraschig
  • de Lufthüler-Waggis fürs Hälfe am Empfang
  • em Jan Andres us Laufe fürs Bediene vom Vorhang
  • em Jeannette Heer fürs schniidere vo de Schpezialkoschtüm
  • em Toni Cueni fürs arrangiere für d’Pfluderi-Fäger-Clique
  • em „alts Schlachthuus“ fürs Gaschträcht
  • em Kantonsspital Laufe für dr Probe- und Lagerruum
  • dr Firma Trovanti für d’Transpört und für d Benützig vom Büro zum probe
  • em Bruno Stähli, für d DVD und
  • em Walter Imber für d Fotene
  • allne deene, wo uf irgend e Art mitghulfe hei, ass mir euse Aalass chönne duurefiehre.
  • e schpezielle Dangg eusere Darschtellerinne und Darschteller, de Pfluderi-Fäger, de Chummerbuebe, em Huusorcheschter und em Staff und de Kulissebauer

Adiö zämme. Mir chömme wiider im Johr 2009 mit em Motto:

s’Räbeli druggt d’Schuelbangg

c:Jö

 


facebook1

2016 © Räbeli - s' Laufner Fasnachts-Variété