s' Laufner Fasnachts Variété
s' Räbeli

s' Räbeli 2006

IMG_0166
IMG_0065
IMG_0195
IMG_0164
IMG_0091
IMG_0098
IMG_0157
IMG_0141
IMG_0227
IMG_0223
IMG_0115
IMG_0184
IMG_0045
IMG_0097
IMG_0177
IMG_0209
IMG_0107
IMG_0077
IMG_0064
IMG_0053
IMG_0158
IMG_0162
IMG_0122
IMG_0106
IMG_0211
IMG_0170
IMG_0207
IMG_0079
IMG_0142
IMG_0204
IMG_0046
IMG_0056
IMG_0101
IMG_0205
IMG_0123
IMG_0111
IMG_0153
IMG_0110
IMG_0058
IMG_0190
IMG_0199
IMG_0210
IMG_0139
IMG_0192
IMG_0165
IMG_0226
IMG_0104
IMG_0217
IMG_0050
IMG_0073
IMG_0081
IMG_0175
IMG_0154
IMG_0121
IMG_0057
IMG_0172
IMG_0052
IMG_0047
IMG_0180
IMG_0143
IMG_0168
IMG_0099
IMG_0117
IMG_0109
IMG_0161
IMG_0148
IMG_0100
IMG_0062
IMG_0066
IMG_0196
IMG_0055
IMG_0188
IMG_0214
IMG_0202
IMG_0167
IMG_0160
IMG_0206
IMG_0108
IMG_0152
IMG_0216
IMG_0085
IMG_0044
IMG_0054
IMG_0051
IMG_0231
IMG_0215
IMG_0087
IMG_0069
IMG_0072
IMG_0116
IMG_0118
IMG_0169
IMG_0171
IMG_0228
IMG_0074
IMG_0222
IMG_0132
IMG_0218
IMG_0105
IMG_0208
IMG_0125
IMG_0133
IMG_0224
IMG_0159

 

Schtadtbach Opere

Jedes Johr dörfe mir uf d’Mithilf vom Gmeins- resp. Schtadtroot zelle. Immer wiider verschtöh si’s, eus i eusere Theme z’ungerschtütze. All Johr tie mir uf dr Rüggsite vo däm Programmheft s’Thema vom nechschte Johr bekannt gäh. Eso hei mir im Programmheft vom Räbeli „Number five“ bereits akündigt, ass euser Thema fürs 2006 „Schtadtbach-Opere“ heisst. Und scho macht „Laufe e Schtadt zum Läbe“ euser’s Thema zum Hit. Irgendwie hei mir vom Räbeli dr Verdacht, ass dr Schtadtroot wott vo dr Popularitet vom Räbeli profitiere (ha, ha). Aber eso isch allne ghulfe und mir hei wiider e ganz, ganz aktuells Thema.

Was eus Räbeli-Macher wunger nimmt isch – wie setzt dr Schtadtroot s nechschtjöhrig Thema um?

E intensivi und ufwändigi Ziit goht mit dr Première für eus Räbeli-Lüüt z’Änd. Nachdäm mir i ville Probe das g’iebt hei wo, mir Euch hütt do presentiere, hoffe mir natürli o, ass eus d’Theme und d’Umsetzig drzue glunge isch, und Dir alli Fröid heit am Räbeli 2006. Euche Applaus zeigt eus, öb’s rächt isch eso, wie mir die Schtadtbach-Opere inszeniert hei. Euche Applaus isch eus Belohnig und Aaschporn für wiiteri Tate.

Gliichziitg wird natürlich immer o vorwärts gluegt. Das was zruggliggt sell eus (und tuets natürlich o) immer e Wägwiiser si, wie’s muess witter goh. Eso hei mir eus bereits e paar Gedangge zum „Räbeli 007“ gmacht. Mehr drzue e angers Mol. Für hütt numme so vill: scho mänggisch hett eine gmeint – und denn isch’s angerscht usecho.

Mir vom Räbeli wünsche euch e paar heiteri Stunge, e huffe Schpass und

v i i l   V e r g n i e g e  !

Opere-Fiehrer

Schtädtischi Impressione
E Metamorphose vom Bättler zum Räbeler, oder vom Schtedtli zur Schtadt

S isch immer s’gliiche, als Capo Moneta muesch immer luege, ass dr Rubel rollt und d’ Schtützli i d’Kasse chömme und do wirdsch eifach als Bättler anegschtellt, respeggtiv anegsetzt. Alles wäge däm Furz do - wäge dere Opere. Wenn keini Moneta in Kassa - magge halt keini Operehuus in Laufe-Schtadt.  Basta!!

Also chunnt dr Räbeler i sim gwohnte Koschtüm (ämmel fascht) uf d’Bühni und plauderet über die schtädtische Verhältnis im Schtedtli Laufe. Mues das jetz unbedingt e Schtadt si? Drbi tönt Schtedtli doch so heimelig und schnuuselig. E Schtadt isch boll jede Wiiler! Aber e Schtedtli weere halt numme mir.
Dr Räbeler isch froh, ass är e Zödeldichter isch und nid e Schnitzelbangg, süscht miesst är jo uswändig singe - und das wett är Euch erspare. Und dorum tuet dr Räbeler si Vortrag o abläse.

Schtadtbach-Opere-Räp
E klassische Räp? Klar – losed dr klassische Begriessig vo de Räbeli-Macher und em Räbeli-Orcheschter zue.
Mit Tanziilaag, well die zwöi nid chönne Singe. Aber lieber guet tanzt als nid singe!

Opera aperta
D’Pfluderi-Fäger-Dambuure mit ihrer Version vo-n-ere Uvertüre
Us dr ganze Wält chömme si uf Laufe zur Uruffierig vo dere Stadtbach-Opere. E Schott, en Ami, und e Laufner Fasnächtler bruuchts o für dr „GLOBITROTTER“ vom Roman Lombriser nach emene Arrangement vo de Mihlireedli Basel uf d’Bühni z’bringe.

Präsentiert vo de PFL’99, ä Damboure-Formation vo de Pfluderi Fäger.

E Bligg i d’Garderobe
Maris und Fabris schneugge sich dur fremdi Wösch.
S’Räbeli hett kei Ufwand g’schüücht, um’s Opere-Feeling so authentisch wie möglich z’mache. Drum isch sit däm Johr d’Garderobe bedient – vo dr fründliche Maris und em gwüssehafte Fabris. Dir chönnet deene Beede unscheniert euchi tüüre Pelz, edle Mäntel und die duftende Schääl a’vertraue. Alles isch dört sicher ufbewahrt, wie i-me-ne Bangg-Safe. Ehrlich!
Die zwöi vo dr Garderobe:

Maris                             Marisa Hänggi
Fabris                            Fabrizio Scordari

D’Ehregescht
Zwee trendigi jungi Laufenr gäbe sich d’Ehr – immer wiider – und doch zum letschte Mol.

Am letschte Fasnachts-Umzug hett s Fasnachtscomité während dr Tele-Basel-Diräggt- Übertragig zwee Gratisitritt für’s Räbeli 2006 verlost. Die zwee einzige Zueschauer vo deere Übertragig hei die Bileet gwunne und si das Johr als Ehregescht bi dr „Laufner Schtadtbach-Opere“ a vorderschter Front drbii. Mir hoffe, ass sich di zwee junge Laufner o ehrehaft benämme und die hochschtehende Klassiker gniesse wärde.
D’Protagonischte:

Mr. Walldorf                 Dominik Hänggi
Mr. Steadler                 Patrik Hänggi

A dr Quelle vom Schtadtbach
E schtadtbekannte Pöschtler schtartet si Tour d’Opera.
Jede Daag kwehlt sich do sone uniformierti Gschtalt im Schtedtli vo Briefchaschte zu Briefchaschte – vo Ladetüüre zu Ladetüüre – vo Schwätzli zu Schwätzli. Und dr obligati Kaffi dörf natürlich o nid fehle ...
Euse Fil rouge:

Briefdreeger Urs            Rainer Meyer

Dr Vogelhändler
Fasnächtlich umgsetzt vo de Pfluderi-Fäger.

D’ Pfiffer vo de Pfluderi Fäger hei nit öbbe e Vogel – nei, si sii Vögel. Spiile die si d’Arie vom Pagageno „Der Vogelfänger bin ich ja“ arrangiert vom René Brielmann. Und wär hett’s erfunge? Natürlich dr Mozart!
Lose mir doch emol zue wie d’Pfluderi-Fäger dr Papagallo ääh, dr Papageno umgsetzt hei.

D’Begegnigszone
E Rahmeschtüggli über gschtangeni Mannsbilder.
A jedem (!) Samschdig hei drei schtadtbekannti Schtrand- und Pischte-Schönheite im Kaffi Kärn ihri „Sitzig“. Dört wird s Nöischte über Wirtschaft, Polidigg, Schport und vor allem Gsellschaft beschproche, intensiv diskutiert und tiefschürfend analysiert. Me chunnt sich nöcher, me begegnet sich uf e nöii Art…… und mänggisch hole eim gemeinsami, lengscht vergangeni und fascht vergässeni Hormonschüüb i ...! Me kennt jo sini Papeheimer!
Mit vo dr Parti si:

Serviertochter                Margrit Martina-Wey
Heiri Hänggi                   Lorenz Borer
Erich Imber                    Rainer Meyer
Männi Hueber                Thomas Marolf
Das hättsch nid er-wartet... (euse dis-jöhrige Special-Guest)

Wöschdaag am Schtadtbach
S’Wöschbrätt wäscht si Drägg-Wösch. O das Johr dr einzigi Schnitzelbang wo am Räbeli z’gniesse isch. Das Duo isch o das Johr mit ere wiitere Uflaag vo sim Satire-Programm bi eus im Räbeli. Wär sich unger dr Larve verschteggt isch wie immer und bi de Bänggler üblich, em Bangg-Gheimnis ungerschtellt.

E Klassische Fasnachtsmarsch
D’Pfluderi-Fäger at the Opera. Sid afangs de Sächzgerjohre tie d’Pfluderi-Fäger a dr Laufner Fasnacht pfiffe und drummele. Si hei immer mitghulfe, d’ Laufner Fasnacht us de chliine Aafäng zu däm z’mache, wo si hütt isch. Si sii vo euserer Fasnacht nid ewägg z’dängge. E Fasnacht ohni Pfluderi-Fäger isch nämmli wie ne Mählsuppe ohni Mähl.
S’ bringe mit dr „Route-Symfonie“ e symphonischi Note i eusers Programm. Die rassigi Melodie für Piccolo und Drummle hett irgend e beriehmts Vorbild. Wär ghörts use?

Dr Befangene-Chor
S’Fasnachtscomité e Mol ganz angerscht – oder doch wie Immer?
Bekanntlich wird d’Fasnacht vom Fasnachtscomité regiert. Bekanntlich si die Dame und Herre Comité-Mitgliider aber nid immer ganz unbefange, wenns um ihri eigeni Rolle a dr Fasnacht sälber goht. Drum wärde si, Euch wärte Opere-Bsuecher, höchscht-persönlich mit ere gsangliche Meischterleischtig z’ gmiet fiehre, wie me die grossi Verantwortig und die viile Verpflichtige vo-me-ne Comité-Mitgliid überhaupt unger ei Masgge…äh…ei Perügge bechunnt. Es bekannts Lied mit eme eigene Teggscht.

P a u s e

D’Schtadtbach-Reinigung
D’United-Drums of Laufe oder uf Dütsch d'Dambuure vo dr Schtadtmuusig Laufe in suuberer Mission ungerwägs.
E Hampfle Lüüt sette im Schtedtli rund um e Schtadtbach putze. Es si vermuetlich Mitarbeiter vom Ussedienscht vo dr Schtadt Laufe. Aber das gits jo nid, die hei jo ganz komischi musikalischi Inschtrumänt bi sich. Die miesse doch d’Schtadt Laufe suuber mache und nid do uf ihrem Wärgzüg umenanger chlopfe.Jä was mache denn die jetz do mit ihre Schlegel? E Schleegerei zmitts im Schtedtli? Luege mer und vor allem lose mer halt e Mol, was das sett gäh!!
Sinnigerwiis ghöre mir dr Hämmerli und e Eigekomposition

Em Schtadtbach entlang
so ne Poscht-Tour cha cheibe Lang go. Und no immer isch dä schtadtbekannti Herr uf sinere Poscht-Tuur. Är hett i dr Zwüscheziit e Huffe Brief und Charte am Beschtimmigsort abgäh. Aber alles isch no-ni am rächte Ort.

Inquisition cleriquale
Chochendi Mattegumper mit seelische Probleem. S ganzi Bischtum Basel isch unger dr Chnutte vom Bischof Koch. S ganzi Bischtum? Nei! E chlises Dorf am Rand vom Laufedaal leischtet erbitterte Widerstand. Unger dr Leitig vom Dorfdruide wird unermiedlich für d’Freiheit kämpft. Mit oder ohni Zauberdrangg! Aber was wei mir do erkläre, eigentlich isch alles klar, nüd wohr!?
Trotz em-e-ne martialische Bühnibild hett s’ganze aber nüüt mit Sabo-Maso z’tue! Do si mer sicher!

Em Bischof Koch si Verträttig           Corinne Waldner
Vikar Trauffer                                Thomas Marolf
Pfarrer Sabo                                  Lorenz Trottmann

 

D’Predigt
Bruder Tritsch und Bruder Nitsch rede Euch is reine (?)Gwüsse.
Die zwe junge Laufner mache wärend em Räbeli e Verwandlig duure und wärde plötzlich zu öbberem angerem. D’Predigt vom Brueder Trisch hett sich gwäsche. Oder wie heissts doch so schön, do wärde e paarne zümpftig d’Chuttle gwäscht.

Les trois escargots
E ruehigs, erholsams Rahmeschtüggli, oder nüd?
Me chönnt meine, Langsamkeit sig im Trend – vor allem wenn me z’Laufe im Schtedtli – pardon – i dr Schtadt isch. Do wärde jo alli Dörfer rund um Laufe niidisch und chömme e chli cho schpioniere. Und us dr Perschpegtive vo schliimige Eigeheim-Bsitzer mit Fühler gseht e Mänggs e bizzeli angerscht us, als us dr Sicht vo Normal-Schtärbliche. Aber wär uf grossem Fuess läbt, dörf e eigeni Meinig ha, oder nüd?

dä vo Laufe                  Ursula Ramstein-Rem
dä vu Breitebach           Margrit Martina-Wey
dä vu Röschenz            Karin Schmidlin

O das Johr e ganz e härzlichs Danggschön em Jeannette Heer für die tolle Schpezialkoschtüm

S'Schtadtorcheschter
E Bläch-Ensemble bsuecht s’Räbeli.. hebed Euch fescht.
Was mache siibe Blächmusiger, wenn si vom Räbeli agfrogt wärde, öb si bi eus e klassische Uftritt würde mache. Si chömme natürlich!
Und für si, liebs Publikum hütt z’Obe do uf dr Bühni:

Trumpete:                   Manuel Vögtli, Patrick Wyss, Martin Schaad (Leitig)
Posune:                       Miriam Jeger, Lukas Ammann, Toni Cueni
Tuba                           Andreas Laffer

Unger dr Leitig vom Martin Schaad hei si e Fantasie us dr Kouvertüre „Schwere Artillerie“ ischtudiert und igschpiilt. Mir fröie eus, ass mir si als Gescht bi eus im Räbeli 2006 dörfe willkomme heisse.

S Laufner Schtadtbalett
Schwaanesee isch passée. Dass die Zwöi die hochi Kunscht vom Balett-Tanz beherrsche, hett me jo scho im letschte Räbeli chönne erfahre. Sälbverständlich hei si sich anlässlich vo dr „Laufner Schtadtbach-Opere“ nid lo lumpe, hei sich schpezielli Balett-Schieli montiert und … aber lueget und looset – beziehigswiis lachet sälber

Maris                           Marisa Hänggi
Fabris                          Fabrizio Scordari

Uf-pimpt
s’Rahmeschtüggli über schtadtischi Tröim und Realitete.
Z’Laufe passiere sältsami Sache: wo friehner d’Schtüürgälder“ für d’ Sänggig vo de Schtüüre igsetzt worde si, wird hütt dr Schtüürbatze sinnvoller inveschtiert ... für Planige, Konzäpt-Schtudie und grossschpurigi Idee. Me wird dr Idrugg nid los, ass sich einigi Gmeinrööt e Dänggmol setze wei. Mit de Idee, wo si sich vo „kompetänte“ Expärte-Kollege löh lo usarbeite. S Räbeli hett – einisch meh – über sini hervorragende Beziehige, Iibligg i d’Entschtehig vo so-me-ne Konzäpt über d’ Zuekumpft vo Laufe übercho. Und will „ufpimpe“ im Momänt so aktuell isch ..., mit e bitzeli Farb, Lagg und e chli Chrom, chasch o dr eltischti Chlapf wiider als „neu“ verchaufe.

Chefin                          Margrith Martina-Wey
Florence                       Karin Schmidlin
Jenny                           Ursula Rem-Ramstein
Marie                           Martha Maggio
Sigfried                        Thomas Marolf
Walther Bucher             Lorenz Borer

Am Ändi vom Schtadtbach
Jede Pöschtler macht e Mol Füürobe und jedi Opere chunnt einisch zu-me-ne Änd.
So, jetz hett är si Füürobe verdient. Dr Urs isch am Ändi vo sinere Tuur acho. E wunderbare Arbets-Daag isch beändet, mit mängge Begegnige, e huffe Schwätzli und dr Erkenntnis: es lauft öbbis do z’ Laufe (o wenn’s numme dr Schtadtbach isch).  Dr Füürobe stoht vor dr Tüür!!

Dr Briefdreeger Urs      alias Rainer Meyer uf sinere letschte Tour.

Finale Räbelioso
Dr klassisch Schluss vo jedem Räbeli, mit allne wo mitgmacht hei und ere unerwartete Wändig..

O s’Räbeli macht für hütt’ Füürobe. Und wie all Johr machte d'Räbeli-Macher mit ihrem Räp – (wo i de letschte Johre gar keine me isch) – dr Schluss.
Mir sääge Danggschön villmol für dr Bsuech. Mir hoffe, s’hett Euch guet gfalle und mir gseh eus a dr Fasnacht oder schpodeschtens am Räbeli 2007.

Jo und so wer eigentlich alles z’friide und glügglich, wenn do zum Schluss nid no…!!!!!!!! (die wo bis am Schluss bliibe, wüsses denn).

Und für d’Läser vo eusere Homepeitsch löse mir grad uf:

D r   R ä b e l e r   i s c h   e r m o r d e t   worde!

Mehr drzue im Räbeli 007. Mit em Motto:

Räbeli 007.

O das Johr begleitet eus s’ Räp-Orcheschter. Es si meischtens die gliche Lüt, numme dr Name änderet ab und zue. Vo Johr zu Johr wird är amme em Programm-Thema aapasst. Mir si uf jede Fall froh, ass si drbi si und hoffentlich o bliibe. Je nach Muusig-Richtig hei si albe ein oder mehreri Gescht drbi. Was liit das Johr nöcher als e klassischs Inschtrumänt? Voila, mir si fündig worde.
Es mache mit:

Brigitte Jermann-Steiner            s’ Gaschtschpiil am Cello
Lorenz Trottmann                     Piano und Arrangschmang
Steve Grütter                            Gitarre
Renato Henz                             Bass
Peter Hell                                 Schlagzüüg
Corinne Waldner                       Gsang

 

Mir dangge viilmool eusere Schponsore:

  • Raiffeisenbank Region Laufen, 4242 Laufen
  • Ricola-Vertriebs AG, 4242 Laufen
  • BDO Visura, 4242 Laufen
  • IG Laufen
  • Basler Versicherungen, 4242 Laufen

Und dr Firma Zemp, Bäckerei-Conditorei für s’Pause-Gschänggli.

c:Jö

facebook1

2016 © Räbeli - s' Laufner Fasnachts-Variété