s' Laufner Fasnachts Variété
s' Räbeli

s' Räbeli 2005

05 (01)
05 (02)
05 (03)
05 (04)
05 (05)
05 (06)
05 (07)
05 (08)
05 (09)
05 (12)
05 (11)
05 (14)
05 (16)
05 (17)
05 (19)
05 (20)
05 (21)
05 (22)
05 (23)
05 (24)
05 (26)
05 (27)
05 (28)
05 (30)
05 (31)
05 (32)
05 (34)
05 (35)
05 (36)
05 (39)
05 (40)
05 (41)
05 (42)
05 (43)
05 (33)
05 (45)
05 (49)
05 (50)
05 (51)
05 (52)
05 (53)
05 (54)
05 (47)
05 (55)

„Räbeli Nummber Five“

Nach föif Johr luegt s’Räbeli-Team uf e intensivi und erfolgriichi Ziit zrugg. Gliichziitg wird natürlich immer o vorwärts gluegt. Das was zruggliigt sell eus (und tuets natürlich o) immer e Wägwiiser si, wie’s muess witter goh.
S’Räbeli-Team schücht sich zum Jubiläum o nid drvor, sich sälber i-me-ne Rahmeschtüggli ufs Chorn z’näh. Nach föif Johr hei das eusi Süschee-Liferante o verdient. Die einti und angeri Figur wird das Johr o s’letscht (??) Mool uf dr Räbeli-Bühni a’zträffe si. Mit Wehmuet entlöh mer se i Pension. Öb si drmit chönne läbe, wüsse mir nid. Mir wärde aber sicher Entzugserschiinige ha.
Wo dir, liebs Publikum, no flissig am sünnele und relaxe gsi sit, hett s’Räbeli-Team bereits wiider die graue Zelle lo rotiere und sich Gedangge gmacht, was sell „s’Räbeli Number Five“ bringe und wie wei mir s’Thema aagattige. Gottlob hei mir i eusem Föifer-Gremium e paar geniali Vordängger, wo mit guete Idee numme eso gsägnet si. Jo, und so noch und noch isch denn das Programm entschtange wo dir hütt z’Obe do dörfet gniesse. Mir vom Räbeli wünsche euch e paar heiteri Stunge, e Huffe Schpass und

v i i l   V e r g n i e g e ...

...mit däm Ablauf


"Früsch vom Fass"        

Red Steel Dragons (Steel-Bänd)
Die Steelband beschtoht us junge Musiger us dr Musigschuel vo dr Primarschuel Laufe. Unger dr Leitig vom Bernard Räz hei si für s’Räbeli Number Five“ e tolls Programm ischtudiert. Si schpiile für eus drei süffigi Schtüggli. Nämmli „dr Soulfinger, d’Pretty Women und Oye como va“. Alles klar? Losed eifach zue und gniesset dä Karibik-Sound.


"Räbeli No. 5"        
Mit de Räbeli-Macher und em Räbeli-Orcheschter.   
Und will d’Steelbänd scho uf dr Bühni isch könne si grad d’Räbeli- Macher bim Eröffnigsräp begleite. Dä Räp isch zwar e Mambo, schpiilt aber kei Rolle. Begleitet wird alles vo dr Räbeli-Mambo-Shift, wo frieher Räp-Chäschte gheisse hett. 

"Du you speeksch dütsch"  
E Neudütschi Abhandlig vom Jö wo o das Johr dr Räbeler isch.
Dr Räbeler, wo jo bekanntlich e Zödel-Dichter darstelle tuet, hett sich schamper über s’ Motto „Räbeli Number Five“ uffgreggt. Är befürchtet, ass jetz am Räbeli und a dr Fasnacht numme no änglisch gschwätzt wird. E Huffe Usdrügg us dere Schprooch schwirre scho i euserem Dialäggt ummenanger. Und denne chunnt no die cheibe Amerikanisierig vo eusem Bruchtum drzue. Das schloht em Fass boll dr Bode zmitts is Gsicht. Jo, und denn chömme die vom Räbeli mit ihrem „Number Five“ – „Räbeli Number Five“, verdelli! Hei die eigentlich nüd gscheiters gwüsst als „Räbeli Number Five“!!!
Was meinsch, weiss i 20 Johr überhaupt no öbber was s’Wort Waggis bedütet, was e Schtäggeladärnli isch und wieso’s dr Morgeschtreich git. Hoffentlich chunnt’s nie sowiit, ass dr Räbeler mit sinere Angscht vor dr geischtige Ueberfremdig no rächt bechunnt.

"Ladärnemooler"        
Pfluderi-Fäger-Clique    
Dr Stamm vo dr Pfluderi-Fäger-Clique isch nid fertig worde mit em Ladärne moole. Dorum moole si a jedere Uffiehrig e Schtügg drzue. Öb si am Morgestreich denne fertig si, gseht me jo a dr Fasnacht.
Si zeige 5 Koschtüm wo si a dr Fasnacht amme a gha hei. Schpiile tie si dr Chlopfgeischt, dr Saggodo und dr beschtbekannti Basler-Marsch.

"Adiö Urs"  
    
Hommage a euse Ex-Gmeinipresi    
16 Jörli hett’s dr Urs im Gmeinroot ussghalte. Wo-n-är no i d’Schuel gange isch, het’s em nid im gringschte drvo tröimt, ass är emool dr Scheff vo Laufe wird si. I dene 16 Jörli hett är vill erläbt und e mänggi Erfahrig chönne sammle. Mir vom Räbeli tie ihm e Laudazio uff si grandiosi Karriere widme und frooge eus, öb är ächt dr gliichi Wääg würdi ischlo, wenn är nonemool früsch chönnti aafoh. Alli Faggte und o d’Nämme si frei erfunge und hei absolut kei Ähnlichkeit mit läbige oder sogar amtierende Persone.

Text und Musik: Lorenz Trottmann
Dialog: Rainer Meyer
Gesang: Lorenz Trottmann
Chor: Corinne Waldner, Stefan „Kaffihus“ Grütter
Begleitung: s politisch neutrali Räbeli-Räp-Orcheschter
Darschteller:
Gilberte Bucher: Ursula Ramstein
Daniel Oppliger: Thomas Marolf
Peter „Zibeli“ Hänggi: Dominik Hänggi

   
"Entremet"
O i däm Johr gits im Räbeli e absoluti Wältneuheit. Im alts Schlachthuus gits dangg em Räbeli nid numme e Bühni-Vorhang, nei es hett o nummerierti Sitz. Zwe gueti Geischter sorge drfür, ass alli Bsuecher o bim richtige Nümmerli anehogge.

Marie’s: Marisa Hänggi
Fabrie’s: Fabrizio Scordari

"Ohni Sorge entsorge"   
E Rahmeschtüggli vom e ne geniale Aalass. E wungerbari Idee – dä Gratis-Entsorgigs-Daag vo dr KELSAG. E Wahnsinns-Schtau vo Lieschbrg via Laufe dur e Eggflueh-Dunnel bis uf Aesch (bigott). E Daal ruumt uss, uff und ab. Alles Mögliche und Unmögliche wird entsorgt und me trifft e paar schpezielli Persönlichkeite bim Müll ablade...! Und dä ganzi Entsorgigs-Schtau wird vo-n-ere gheimnissvolle Figur us em Hintergrund kommandiert. Wär hett ächt bi dr gröschte Entrümpligsaktion vom Laufedaal d’Finger im Schpiil? Wär hett e Inträsse a möglichscht viil Plunder? Vo wämm schtammt d’Idee vo däm Gratis-Entsorgigs-Daag wirglich? Vo wämm ächt, he??

Otti van der Müll: Lorenz Borer
Max Wey: Margrit Martina-Wey
Ueli Maurer: Jörg Heizmann
Kurt Tschan: Thomas Marolf
Gina Steiner: Ursula Ramstein-Rem
Bischoff Krempp: Patrik Hänggi
Frau Wehrli: Karin Schmidlin
Piero: Dominik Hänggi
Horni: Rainer Meyer
d’Frau us em Hingergrund: Margrit Halbeisen (disjöhrige Special-Guest-Star)
Bodyguards: die Chräftigschte vo dr Huus-Gugge
dr Schtau: das errootet Dir nie...

"S' Wöschbrätt"        
Leider dr einzig Bangg im Räbeli.    
Dr einzigi Schnitzelbangg das Johr wo am „Räbeli Number Five“ z’gniesse isch. Nachdäm das Duo s’letschte Johr bi eus e Comeback (wie heisst das uf dütsch?) gwogt hett – was unbeschtritte e Erfolg worde isch – si si o das Johr mit ere wiitere Uflaag vo ihrem Satire-Programm im Programm. Quasi programmatisch iprogrammiert!!
Was si bringe und wär is Fadechrüz vo ihre Värsli cho isch, das ghöre mir hütt us erschter Hang.
Wär sich unger dr Larve ver-schteggt tuet me bi-n-eme Bänggler nid verroote….

Pause             

"Gimmy five"        
Eusi Huusgugge isch o das Johr e zämmegwürflete Huffe vo verschiidene Guggemusige us dr Region. Dr jüngschti isch 13. und dr eltisichti hett vor lutter Alter kei Johrgang meh.. Dr Jö hett se zämmedrummelet (wie macht dä das mit sim Susaphon) und d’Probe si vom René Lutz gleitet worde. Was usecho isch ghöret dir hütt z’Obe ungerem Motto: „Give me five“ oder die schpinne die Amis.
E Hampfle Chopflosi Ami’s versueche chrampfhaft sälbstschtändig z’bliibe, aber dr Big Brother Bush isch schtergger.
S’ Repertwar am „Räbeli Number Five“ beschtoht us em „Quer dur Amerika“. dr „Hütte-Annie“ und em „Rock-n-Boogie“ by Räbeli-Gugge.

"Patritsch und Dominitsch"   
Zwee Laufner im Schtedtli.
Zwee urchigi, jungi Laufe-daaler Schwizer - uf dr Höchi vo dr Ziit - übernämme und setzte die neueschte Trends. Sie üssere sich zu aggtuelle Theme, wie Vercheerspolitik, Iibürgerigs-initiative und de Bilaterale. Jä, jä, eusi hüttigi Jugend wird wiider polititsch aktiv und macht Schtimmig ... ab! Reschpteggt ... Reschpeggt!

Dominitsch: Dominik Hänggi
Patritsch: Patrik Hänggi

"d'Schtedtli-Angels"        
Rahmeschtüggli     
Im Ungergrund vo Laufe tuet sich Unheimlichs: dunggli Gschtalte träffe sich a-me-ne unbekannte Ort zu-n-ere absolut gheime Zämekunft. Isch es dr Guguggs-Klan? Oder e Schplit-tergruppe vom Ai-Kaido. Oder öppe doch numme Trachtegruppe ..? Nei, si nenne sich „d’Stedtli-Angels“ und si plane e ganz e hinterhältige und heimtückische Coup gege e paar subversivi Elemänt vo Laufe...! Öb unändlichi Liebi und heimlichi Wärtschetzig s’Schlimmschte noh verhindere cha? Sid gschpannt uf s’Graue us de Katakombe und s’Gruuse i de Hingerhöf vom Stedtli.
Es schpiile für Sii:

Frau A.K.: Karin Schmidlin
Herr Pf.: Thomas Marolf
Herr B.: Lorenz Borer
Frau Z.: Ursi Ramstein-Rem
Frau J.: Margrith Martina
Herr Sch.: Patrik Hänggi
Herr B.: Rainer Meyer

"AGLAT-Blues"       
E Aglat-Bsuecher schwelgt i sine Erinnerige...     
Dr Muchlebärger, dä wo o immer z’Laufe am Märt a’zdräffe isch, het d’AGLAT i dr Iishalle bsuecht. Är het welle go luege, öbs öbbis interessants z’luege git und isch tatsächlich a ne paar Schtäng fündig worde. Natürlich kennt är do o dr Eint und dr Anger wo do usschtellt und loht sich bim Gschpröch gärn zu-me-ne Gleesli iilade. Är gseht eso natürlich was alles lauft a däm Aalass und cheehrt am Schluss o no mit e paar Kolleege i dr AGLAT-Bar i. Nach so villne Erläbnis schloft är denn lang und tief, so ass är am Morge Mieh hett, sich z’Rächt z’finge und sich z’erinnere, wo är überall gsi isch.

Text, Musik und Gesang: Lorenz Trottmann
Chor: Corinne Waldner, Stefan „Kaffihus“ Grütter
Begleitung: Aglat-Bar-Orcheschter    

PFL „99“          
D'Dambuure vo dr Pfluderi-Fäger-Clique.
D’ Dambuure vo dr Pfluderi-Fäger Clique bringe eus do e bunts und rassants Schtändeli, für eimool ohni Pfiffer. Das si das chönne isch eigentlich kei Gheimnis. Das hei mir a mängge Fasnachtsdaage dörfe erläbe. Lähne mir eus also nonemool zrugg und gniesse musikalisch und optisch dä Vortrag vo de Pfluderi-Dambuure.

"Chicken ran"       
Rahmeschtüggli     
Z’ Laufe hett das Johr e neue Gmeinroot d’Gschäft übernoh ... und s’erscht Mol i dr Gschicht vo eusem Schtedtli het’s mehr Röötinne als Rööt. Jo, d’Fraue si i dr Überzahl und schtelle erscht no dr Scheff!!!! Und prompt hett sich am Afang e ganz e neui „Gruppe-Dynamik“ entwigglet – öpps a dr wiibliche oder a dr parteipolitische Mehrheit gläge isch, dodrüber chönnet Dir Euch sälber e Bild verschaffe. Vilicht het’s jo noh ganz angeri Befindlichkeite gha??? s’Räbeli gitt jedefalls e eigene Iiblick i die erschti und konschtituierendi Sitzig vom neue Laufner Gmeinrot. Öppis sig bereits verroote: e paar hei e grossi Röhre gha und so ziemlich alli hei miesse Fädere loh ...!
Darschteller:

Brigitte Bos: Rainer Meyer
Jürg Forster: Patrik Hänggi
Anja Suter: Ursula Ramstein-Rem
Petra Studer: Margrit Martina-Wey
Lilli Kuonen: Karin Schmidlin
Walter Bucher: Lorenz Borer
Mathias Herzog: Thomas Marolf

"Dr Schlussräp" – ääh Mambo        
Dr tradizionelli Abschluss vor „The End“    
Sid em erschte Räbeli tuet eus s’ Räp-Orcheschter begleite. Mänggisch änderet dr Name und o d’ Bsetzig isch amme vo Joor zu Joor e chli angerscht. Mir si uf jede Fall froh, ass si drbi si und hoffentlich o bliibe. Wie si heisse isch eh numme sekundär, wichtig isch, ass es ihne all Johr glingt, s’Räbli musikalisch z’ umrahme und mit ihrem Sound eusi Schtüggli uf z’peppe. Am „Räbeli Number Five“ unger angerem mit eme Mambo-Räp.
D’Protagonischte:

Lorenz Trottmann: Piano und Arrangschma
Steve Grütter: Lead-Gitarre
Renato Henz: Bass-Gitarre
Peter Hell: Schlagzüüg (drums)
Corinne Waldner: Gsang

"The End"           
Mit de Räbeli-Macher, em Ensemble und dr Räbeli-Mambo-Shift
Jä liebi Lüt, alles goht emool z’Änd. Eso o s’Räbeli No. 5. Mir verabschiide eus für e Johr und chömme denn wiider im 2006 mit em Motto:

Laufner Schtadtbach-Opere

Sali zämme     -     guete Oobe!

 

Härzlich dangge mir eusne Schponsore:

  • Raiffeisenbank Region Laufen, 4242 Laufen
  • Ricola-Vertriebs AG, 4242 Laufen
  • BDO Visura, 4242 Laufen
  • IG Laufen

und de Gönner:

  • Trovanti.ch, Rainer Meyer, 4242 Laufen
  • Grütters Kaffeehaus GmbH, 4226 Breitenbach

Sowie:

  • em Kaffihuus Grütter vo Breitebach (das isch dä a dr Lead-Gitarre)
    für s’ Gratis-Catering
  • de Lufthüler-Waggis fürs Hälfe i dr Pause und am Empfang
    Und em Presidänt vo-ne-ne em Daniel Neuschwander fürs Vorhang uf und zue mache
  • allne deene, wo uf irgend e Art mitgholfe hei, ass mir s’Räbeli chönne duurefiehre
  • Allne wo aagschtange si und drmit zeigt hei, ass ihne s’ Räbeli öbbis Wärt isch
  • Eusem Hauptschponsor, dr Raiffeisenbank Region Laufen, ass mir hei dörfe i dr Schalterhalle d’Billet verchaufe und ass si di wartende Lüt  mit Gliehwii ufgwermt hei
  • Em „alts Schlachthuus“ 
    und dr Kultur-Bar Bäre für’s Gaschträcht
c:Jö

facebook1

2016 © Räbeli - s' Laufner Fasnachts-Variété