s' Laufner Fasnachts Variété
s' Räbeli

s' Räbeli 2004

PDVD_000
PDVD_001
PDVD_002
PDVD_003
PDVD_004
PDVD_005
PDVD_006
PDVD_007
PDVD_008
PDVD_009
PDVD_010
PDVD_011
PDVD_012
PDVD_013
PDVD_014
PDVD_015
PDVD_016
PDVD_017
PDVD_018
PDVD_019
PDVD_020
PDVD_021
PDVD_022
PDVD_023
PDVD_024
PDVD_025
PDVD_026
PDVD_027
PDVD_028
PDVD_029
PDVD_030
PDVD_031
PDVD_032
PDVD_033
PDVD_034
PDVD_035
PDVD_036
PDVD_037
PDVD_038
PDVD_039
PDVD_040
PDVD_041
PDVD_042
PDVD_043
PDVD_044
PDVD_045
PDVD_046
PDVD_047
PDVD_048
PDVD_049
PDVD_050
PDVD_051
PDVD_052
PDVD_053
PDVD_054
PDVD_055
PDVD_056
PDVD_057
PDVD_058
PDVD_059
PDVD_060
PDVD_061
PDVD_062
PDVD_063
PDVD_064
PDVD_065
PDVD_066
PDVD_067
PDVD_068
PDVD_069
PDVD_070
PDVD_071
PDVD_072
PDVD_073
PDVD_074
PDVD_075
PDVD_076
PDVD_077
PDVD_078
PDVD_079
PDVD_080
PDVD_081
PDVD_082
PDVD_083
PDVD_084
PDVD_085
PDVD_086
PDVD_087
PDVD_088
PDVD_089
PDVD_090
PDVD_091

Organisation

Dr Räbeli-Stadel isch e Idee vom Räbeli-Team:
Rainer Meyer, Patrik Hänggi, Lorenz Trottmann, Jörg Heizmann, Martha Maggio.

  • Alli Text und musikal. Arrangemänt schtamme us dr Fädere oder em Klavier vo deene Föif.
  • Fürs Liecht-Disein zeichnet der Georges Henri Wolf verantwortlich.
  • S'Bühni-Bild und d'Deggoration hei s'Christine Stadler und s'Christa Winkelmann gmacht.
  • D' Konschtrugzion vo de Kulisse hett Zimmerei Roth us Laufe zimmeret.
  • I dr Technik tie dr Jörg Schmidlin und dr Michel Kurth mitwirke.
  • Dr Markus Brügger isch als Stage-Manager und für dr Bühni-Umbau verantwortlich.
  • Dr gueti Ton stammt vo dr Sound und Light Co., Josef Orlandi, Liesberg.

Folgendi Darschteller si für Euch uf dr Bühni gschtange (Reiefolg vo de Uftritt):

  • Patrik Hänggi, Lorenz Trottmann, Marisa Hänggi, Fabrizio Scordari, Margrith Martina-Wey, Thomas Marolf, Dominik Hänggi, Rainer Meyer, Marcel "Cello" Ackermann, Ursula Ramstein-Rem, Karin Schmidlin, Jörg Heizmann.

Und wie jedes Johr: eusers Huusorcheschter wo si Name jedes Johr e bitzeli em Thema aabasst:

  • Lorenz Trottmann, Piano und Leiter, Steve Grütter, Gitarre, Peter Hell, Schlagzüüg und Renato Henz, Bass-Gitarre.

Willkomme im Räbeli 2004:
Das Johr schtoht s'Räbeli ganz ungerem Motto "Räbeli-Stadel". Was e Stadel isch, wüsse die Meischte vo öich. Gmäss dr Rächtschriib-Bible Duden isch es e Schüüre oder e chlises offenes Geböide. Mir chönne froh si, ass die do im "alts Schlachthuus" Muure ufezooge und Fänschter montiert hei, süscht würde mir verdelli a Ranze friere. E paar vo öich dängge vermuetlich a Karl Moik oder no schlimmer, a Sepp Chnütsch vom Schwizer-Glotzofon.
S'Räbeli-Team hett sich do aber nit immer a d'Vorbildr ghalte und e eigeni Interpretierig zämme baschtlet. He jo, es selle doch keini Öschtriicher drin vorcho oder höchschtens settigi vo Laufe.

s'Programm

Tagwacht:
Pfiffe und Drummelet vo dr Pfluder-Fäger-Clique vo Laufe. Si si sit em Aafangs vom Räbeli drbii und us eusem Programm nimme wägz'dängge. S'Vorschpiil vom-ene chline Pfiffer-Grüppli isch d'Eröffnig vom Räbeli 04. Si leitet übere i Tagwacht. Langsam erwacht us dr Dämmerig e Ohreschmaus i farbeprächtige Goschtüm. Mir gseh und ghöre d'PFL nonemool i dr zwöite Helfti vom Programm.
Si si übrigens o die älteschti no aggtivi Clique wo a dr Fasnacht z'Laufe drei Dääg uf dr Pischte isch.

Räbeli-Polka:
Dr Räbeli-Räp nach Stadel-Art. Gsunge und tanzt vom Räbeli-Team. Musikalisch umrahmt vom Huusorcheschter wo sich hett miesse uf e stadelkonforme Stil usrichte.
Sid em Aafang vo däm Johrtausig wird s'Räbeli mit eme Räbeli-Räp eröffnet. Das Johr isch alles angerscht. He jo nid ass mer is miesse mit Chlaage vo eusne Volksmuusig-Päpscht umeschloh.

Muusig-Star:
Wär wird dr nöii Muusig-Star?
Jetz chasch boll im hingerschte Chrache hinge e Casting-Schau mache. Dr Piero, öise Laufner Verträter im Schwizer-Muusig-Star, het natürlich alli beflüglet. Und so hei mir no mängge angere Laufner gfunge wo gmeint hett är heigi s'Züügs zumene Superstar. Doch einisch meh, lit Genie und Wahnsinn nöcher bine-n-anger, als s'Hoche-C bim zwöimool-gschtrichene Fis-Moll! Aber bitte, nid drusslaufe...
Als Darschteller hei mitgmacht: Marisa und Fabrizio als Moderatore Michelle und Eros. Gsunge hei: s'Margrith, dr Thomas, Dominik, Rainer, Cello und "s'Eche vo Änzlige". Begleitet si si worde vo dr Familie-Kapälle "Räbeli-Brünneli", alias Huusorcheschter
und als Spezial-Gescht: Dr Klemens Malzach uf em Alphorn und s'Nicole Vogt uf em Piccolo.

Buureschwangg:
Dr erschti original Laufner Heimat-Schwangg unger em Motto "Uf dr Erle gits kei Sünd". Und was lit nöcher, als nach em erschte Laufner Heimatfilm dr erschti Laufner Heimatschwangg ebefalls im "alts Schlachthuus" bim Räbeli-Stadel ur-ufz'fiehre?
E so ne schööne Buureschwangg macht doch dr gsüngschti Buur no chrangg...
Uf d'Lachmusgle druggt hei: Dr Patrik Hänggi als Ätti; Dr Lorenz Borer als Buur; s'Margrith Martina-Wey isch si Büüri und d'Ursi Ramstein-Rem d'Tochter vo deene Zwöi. Denne hei mer no e Pfarrer wo vom Thomas Marolf und e Verträtter wo vom Dominik Hänggi gschpiilt wärde. D'Magd heisst im richtige Läbe Karin Schmidlin.

Guggekonzärt:
D'Huusgugge isch e zämmegwürflete Huffe us Gugge-/Muusiger vo dr Agfrässeni-Clique, de Birsgugger, Bohne-, Laufe- und Geisseschränzer, de Nasegrübler und no e paar ehemaligi Agfrässeni. Si hei das Johr ungerem Motto "Vom Huudigäägeler zum Fasnachtsmarsch und unger dr Leitig vom Jö und em Röné e Medley (das isch neudüütsch für Pottburri) zämmegschtellt.
Si schpiile für öis:

  • Dr Ämmidaaler,
  • dr Irma und dr Sille sin und
  • e Boloneese.

Viil Schpass bi ihre schreege Töön wünscht öich d'Huusgugge.

Muusig-Star:
Schaffts ächt ein zum Muusig-Star. Im zwöite Teil tritt e Boy-Group us em Laufedaal uf. Mir si gschpannt.

s'Laufeschtäbli:
Uffgmotzt und mit ere "stadelkonforme" Melodie chasch öise huuseigene und immer ewige Schnitzelbangg innere räbelikonforme Inszenierig erlääbe. E uffmüpfigi Sach!
Es singe für öich... ha,ha,ha.
D' Näme wärde nid verroote, o wenn si bekannt si, die drei.

P a u s e

Wohri Gschichte:
verzellt vom Räbeler. Dr Räbeler schwelgt nonemool i de "alte Ziite" und zieht e Querverbindig zum hüttige Laufe:

Wär kennt no d'Schtinggbiire? Wo isch d'Färbi?
s'Gutterehuus? Wär isch dr Schimmelsepp gsi?

(Wär e ufflösig vo dene Gheimnis möchti ha, cha dr Zödel bim Jö heusche)

Es isch friehner nid immer so romantisch gsi, wie me hützutags albe verzellt, es isch aber o hütt nid alles eso toll, wie me meint. Wenn me ganz genau aneloost, ghört me us em Zöödel vom Räbeler doch e gwüssi Wehmuet use und e Beduure ass hütt alles angerscht (nid besser) isch... Dr Räbeler wird vom Jörg "Jö" Heizmann zelebriert.

Medley.
E bunts und rassigs Pottburri. Und will's bayrisch isch, ghört o e deftigi Bloosmuusi drzue. Auf geht's Buam!
Öisi Tradizions-Clique d'Pfluderi-Fäger und als Gascht dr Marc Heizmann uf dr Posuune.

Muusig-Star
zum Dritte. Jetz gohts i die intimi Tiefe vo Laufe.
S''Räbeli froogt sich zu Rächt: hett's ächt no meh vo deene?

Rädebäng.
E Medley (immer wiider das Wort) vo de Dambuure vo dr Schtadtmuusig Laufe wo sid em Aafang vom Räbeli (wenn o mit Pause) drbii si. Mit em "Rocktrap" eröffne si ihre Ufftritt. Das isch e Art "Body-Drumming". S'isch gliich, wenn dir nid Änglisch verstöht, denn si drummele uff Bärg-Dütsch. Dr zwöiti Teil isch e modärni Fantasii und drzue traage si e alpini Bechleidig, wie das imme-ne Stadel üblich isch, nämmli "Läderhoose und Gletscher-Hemmli".

Gipfeliträffe,
oder so macht me e nöie Gmeinrööt. Inzwüsche wüsset dir alli, wie me us Kreeti und Pleeti e Muusig-Star cha mache. Wenn de aber wotsch wüsse, wie Politigger entschtöh, denn muesch jetz cheibe guet uffbasse! S'Räbeli deggt uf, was do bi de Poliddiger hingeduure für Schpiili ablaufe, während s'Fuessvolk ganz unge mitenanger hänglet. S'Räbeli isch drbii, wenn sich die sogenannte VIPs immene Laufner Kaffi, wo mir do nid wei erwähne, gället, ebbe zum Gipfel(i)-Träffe träffe.
Es si uf dr Bühni: D'Serviertochter, s'Düüsi, gschpiilt vom Ursi Ramstein-Rem. Karin Schmidlin isch d'Frau Kanditatin. Und die politische Ränkeschmiid: Lorenz Borer als Hamann Christian; Thomas Marolf als Matthias Herzog und dr Patrik Hänggi als Roger Chalon.

Bella Marionetti:
die ewig jungi Tessinere und e ebe so junge Knagg-Arsch bi-me-ne Liebeslied-Duett. Am sibte Daag vo dr Schöpfig hett Gott d'Männli für d'Wiibli erschaffe. Im Lauf vo dr Evoluzion hett sich das Zämmeschpiil zwüsche Rammler und Hattle verfiineret. Obwohl s'Läbe i dr hüttige Ziit viil aagnähmer isch, hei sich d'Aasichte vo deene beede Parteie i ungerschiidlichi Richtige entwigglet.
Zwöi wunderschöni Bischpiil vo volggsdümmlichem Schlager gäbe e chliine Iibligg i d'Wünsch und Vorschtellige vom modärne Homo Chaotibus, wenn's um s'iigoh vom nöie Partnerschafte goht.
S'Margrith Martina-Wey und dr Marcel Cello Ackermann singe do e Arrangschemänt vom Lorenz Trottmann. Sie wärde vom Huusorcheschter "Rapelli Ticinese" begleitet.

Redaggzions-Sitzig.
Nach däm letschtjöhrige Zwüschefall zwüsche de Fasnachtsziitigs-Schriiber und ere politisch ambizionierte Alt-Schnitzelbängglere us Wahle, wo denn e "Casus Juris" mit "Strooffus Monetis" wäge "Inseratus Asylantis" usglöst hett, isch e nöii Redagzion zämme cho, wo die wärtvolli Ziitig wider lo erschiine will. Dangg dr Leitig vo-me-ne prominänte Laufner Fasnachtsumzugkommentator vom Basler-Färnseh, hett die Ziitig ändlich wider e grossi Zuekumpft. Unger de witere Exzellänze finge mir Näme wie Tschan, Kurth, Gygi und Wey. Ä hoch-explosivi Bsetzig!
Dr Hans Mamie wird vom Rainer Meyer gschpiilt resp. gchooderet. S' Double vom Dani von Wattenwyl isch dr Dominik Hänggi. S'Heidi Kurth-Gygax wird vom Ursi Ramstein-Rem und dr Kurt Tschan vom Thomas Marolf gä. Dr Jörg Heizmann hett dr Hansjörg Gygi und s'Margrith Martina ihre Brueder dr Max Wey nochegmacht.

Muusig-Star.
Wiitere Laufner-VIP's versueche mit Gsang... oder so ähnlich dr Muusig-Star z' wärte.
Es isch s'Finale vom Muusig-Star, wo vom Patrik s'Konzept und d'Songtext und vom Lorenz Trottmann s'musikalische Arrangschemänt übercho hett.

s'Wöschbrätt.
Euse zwöite Schnitzelbangg, wo s'Räbeli us dr Pangsionierig use reaktiviert hett.
Falls es immer no Lüt git, wo die Zwöi nid kenne, nach em Vortrag wärde alli dä Laufner Schnitzelbangg nimme vergässe. Es isch e Maa und e Frau; aber nid Maa und Frau. Alles klar? Mehr wird nid verroote. Viillicht hogge si nach dr Uffiehrig no im Bistro a dr Bar und me cha-ne ohni wiiteres e Einerli spändiere.

Schluss-Räp.
Wie immer mit em Räbeli-Team und em Huusorcheschter. I däm Fall heisse si wiider Räp-Chäschte, denn es isch wiider e ganz e reine Räp.
Dr letschti Ufftritt i däm Johr, mit em aaschliessende Abschpann und eme (hoffentlich) Applaus vom Publikum.

Mir dangge ganz härzlich öise Schponsore:

  • Raiffeisenbank Region Laufen, 4242 Laufen
  • Ricola AG, 4242 Laufen
  • BDO Visura, 4242 Laufen
  • Basler Versicherungen, 4242 Laufen
  • IG Laufen

Im wiitere hetts s'Räbeli und folgendi Schponsore fertigbrocht, im "alts Schlachthuus" ändlich e Vorhang z'inschtalliere. Es hei finanziell mitghulfe:

  • Hotel - Restaurant CENTRAL, 4242 Laufen
  • Kulturbar BÄREN, 4242 Laufen
  • Trovanti.ch, 4242 Laufen

 

Für's oktoberfescht-ähnliche Zelt hei mer em

  • Borer Getränggehandel, 4242 Laufen

kei einzige Batze zahle miesse. Mir säge beschte Dangg.

 

Und e wiitere grosse Dangg a d'Frau Elisabeth Wolf vo dr

  • Papeterie Nordschweiz

wo für öis dr närve-ufriibende Vorverchauf duureg'fiehrt hett.

 

So und jetz säge mir

Adieu zämme!

 

Mir gseh öis wider am Räbeli 2005, mit em Motto:

 

"Räbeli Number Five"

c: Jö

 

 


 

 

 

 

 

 

facebook1

2016 © Räbeli - s' Laufner Fasnachts-Variété