s' Laufner Fasnachts Variété
s' Räbeli

s' Räbeli 2003

0318A
0403A
0404A
0406A
0502A
0503A
0504A
0507A
0602A
0603A
0605A
0607A
0611A
0705A
0803A
0807A
0811A
0813A
1002A
1003A
1005A
1007A
1008A
1011A
1102A
1104A
1006A
1106A
1112A
1111A
1116A
1302A
1308A
1402A
1404A
1406A
1502A
1114A
1503A
1505A
1510A
1511A
1605A
1603A
1703A
1704A
1706A
1709A
1710A
1714A
1720A
1723A
1726A
1730A
1731A
1734A
1716A
1735A
1736A
1741A
1750A
1803A
1805A
1815A
1912A
1919A
1921A
2104A
2119A
1910A
2122A
2129A
2130A
2132A
2133A
2136A

Veranschtalter

s'Räbeli
Postfach 617, 4242 Laufen

Organisation

Idee & Konzept

s'Räbeliteam

s'Räbeliteam

Rainer Meyer, Präsi und Pressechef
Patrik Hänggi, Vizepräsi, Dramaturgie
Lorenz Trottmann, Sekretariat, Muusig
Jörg Heizmann, Finanze, Requisite & Dekor
Martha Maggio, Biisitzerin, Masgge

Text si us dr Fädere vom Patrik, em Rainer, Lorenz und Jörg
D'Musig-Arrangschemänts si vom Lorenz


Bühni & Disein

Christine Stadler und Christa Winkelmann

Kulisse-Konschtrugzion

Zimmerei Roth, Laufen

Liecht Disein

Georges Henri Wolf, Dittingen

Technik

Jörg Schmidlin und Michel Kurth

Beschallig

Sound & Light, Liesberg

Stage Mänetscher

Markus Brügger

Mir dangge eusere Schponsore

  • Raiffeisenbank Region Laufen, 4242 Laufen
  • Ricola Vertriebs AG, 4242 Laufen
  • BDO Visura, 4242 Laufen
  • IG Laufen, Laufen hat alles
  • Basler Versicherungen, 4242 Laufen

Mir dangge eusere Gönner:

  • Metzgerei Rechsteiner, 4242 Laufen
  • Metzgerei Studer, 4242 Laufen

und e schpezielle Dangg

a d'Frau Elisabeth Wolf, Papeterie Nordschweiz für's Duurefiehre vom Vorverchauf

 

Härzlich willkomme

Zwöi Johr si mer im chline Brauerei-Chäller uf dr Bühni gschtange und jetz do i däm grosse Saal im Schlachthuus, das isch hert. Wo mir während em Bau s'erschtmool si go d'Nase schtregge, hett's is fascht us de Sogge dätscht. So gross! Das git e harts Schtügg arbet, do die gliichi Schtimmig wie im Chäller ane z'bringe! Gottseidangg hei mir e paar Tröimer und Idealischte drbii, wo eifach immer e gueti Idee hei. Und eso tuet nodosno e nöis Räbeli entschtoh. S'dritte Räbeli mit em Thema Schlachtplatte, wo vo-ne paar Chööch usdänggt und denn wiiderum vo angere Chööch und Gehilfe zuebereitet wird. Eusere dritte Ufftritt uf dr Bühni, wo eus d'Wält bedüttet, isch voll und ganz rm gascjtronomisch-kulurelle Gscheh vo Laufe gwidmet.

 

Es isch aagrichtet

Schlachthuus-Gflüschter
vom Räbeler.
Das isch em Jö si Erinnerigs-Bilderbooge vo friehner und vo hütt. Im und um's Schlachthuus. Vo und mit em Jörg Heizmann

Friehner isch doch nit alles besser gsi. E deftige Vorgschmagg uf d'Menu-Charte vom Räbeli 03.

Gotlett mit Pfiff
D'Pfiffer und Dambuure vo dr Pfluderi-Fäger-Clique. Si hei kei Uffwang g'schüücht, um e nöie Menü-Gang zum Räbeli bi z'schtüüre. Pfiffendi Söi und drummelndi Metzgergselle presentiere eus dr "Calvados", und dr "San Carlo". Mir wünsche e Guete - nei natürlich viil Vergniege.

? ? ?
Wie heisst das Züügs jetz numme no? D'Räbeli-Crew mit em tradizionelle Räbeli-Räp. Mit em Räp-Orcheschter zämme singe und tanze si dr "Eröffnigs"-Räp.

Les Deux filets
S'erschte Rahmeschtüggli hütt z'Obe. Zwöi armi viecher wo mit ihrem Buur uff em Wääg vom Tschambol is Schlachthuus si. Churz bevor s'letschte Schtüngli schloht gohts um's "to be or not to be" vo deene Milch-Chieh.
Es schpiile

s'Bliemli   - Karin Schmidlin
S'Flöggli  - Margrith Martina-Wey
Dr Buur   - Lorenz Borer

Wurschtsalat
E musikalischi Betrachtig vo-n-ere z'chline Chuchi mit em Laufner Forum-Kur-Orcheschter. Obwohl das Forum Laufe e Juwel im Birstal isch, hett's i dr Aafangsphase mänggisch wurschtsalat-ähnlichi Situazione gäh. Alles Nöie hett sini Tügge und wenn die "schnälle" Planer no so e langi Erfahrig im Mänätsche vo so Sitwazione hei, es chunnt meischtens e chli angerscht use, als de meinsch. I däm Lied argumentiert e Gaschtro-Fachmaa mit eme Kultur-Forum-Beizer, wo die kulinarische Probleem vom Schetty wohl z'finge sige.

D'Muusig isch vom Lorenz Trottmann
D'Teggscht hett är zämme mit em Rainer Meyer und em Patrik Hänggi gmacht
Es singe dr Marcel "Cello" Ackermann (Gaschtro-Fachmaa) und dr Lorenz Trottmann (Forum-Beizer)
Si wärde begleitet vom Räbeli-Forum-Orcheschter, verschteergt mit e paar vo dr Huusgugge

Dr Schlachtbangg
Dr erschti Laufner Schnitzelbangg wo das Johr am intrigiere isch. Ohni e Bangg goht's wirgglich nid. Mit scharf gschliffenem Muulwärgg versäblet öise Schnitzelbangg die verschiidene Ereignis vom letschte Johr. Wär und was wird ächt usbeinlet.
Und do dr Schpruch wie jedes Johr, wär unger dr Larve steggt, miesset dir sälber usefinge.

Die gschpannte Hütt a
lias United Drums, alias Schtadtmuusig-Dambuure. Die Dambuure-Grubbe isch bi öis z'Laufe beschtens bekannt. Nid numme bi eus, o Gsamtschwiizerisch si si immer wiider emool a-n-ere Meischterschaft drbii. Dr Jüngschti isch 12 Johr alt und dr Ältischti 56 Johr jung.
Als Metzger schlachte si dr "Hans im Schnoogeloch" und serviere öis denne zum Nachtisch e "Drum Evolution".

Jetz mache mir

P a u s e

Die letschte Chnöche vom Schlachthuus
D'Räbeli-Huusgugge presentiert öis das Johr e Medley us beschtbekannte Gugge-Melodie. Mir ghöre:

D'Tschoanna
Amäisinggräis und
dr Longschtreet

Dä Vortrag isch iigschpiilt worde vom Peter Borer us Mätige, wo em Jö die ganzi Arbet abgnoh hett.

Life vom Schlachthuus
S'zwöite Rahmeschtüggli isch vom Patrik Hänggi gschriibe worde. "Persönlichi, Perspeggtiv-Betrachtige im Zämmehang mit dr Schlachthuus-Metamorphose" und ähnlichi Kommunikations-Probleem!
E hochinteressanti Diskussionsrundi, unger prominänter Leitig, zwüsche e paar meh oder weniger bekannte (Ex-)Schlachthüüsler. A deere Diskussions-Rundi mache mit:

Julie Rufer - Ursi Rem-Ramstein
Piggy de Saint Schtall  - Margrith Matina-Wey
Rosi Oxbone - Karin Schmidlin
Bruno Imgarte - Lorenz Borer
Schorsch Gschwind  - Patrik Hänggi

Entre-met
oder Zwüschegäng vo zwene unruehige Geischter. Zwöi Tier wo sinerziit im Schlachthuus um's Läbe cho si, chömme nit zur Rueh und triibe zwüsche de einzelne Hauptgäng ihr Unwäse.

Pantomime - Fabrizio Scordari
Panto & Mime - Marisa Hänggi

Chnocheschlosser
Doggter Spaghetti's Operations-Duett am Wärgg Es isch e Love-Storii zwüsche zwee Fiinmechaniker us dr fleischverarbeitende Zunft. Die Zwee nämme sich sehr fiinfühlig ihrne Opfer aa. Es singe und schpiile:

Operesopran & Skalpell - "Cello" Ackermann
Mezzosopran & Tupfer - Patrik Hänggi

Dr Teggscht isch vom Patrik Hänggi und s'musikalische Arrangschement vom Lorenz Trottmann wo mit siner Falsett-Schtimm und de Räp-Chäschte die zwee Mediziner ungerschtütze.

Metzgermeischter
S'dritte und letschte Rahmeschtüggli für Hütt. Das Schtügg isch us dr Fädere vom Rainer Meyer. Es isch e Persiflasch rund um die beschte Metzger im Laufner Schtedtli. E Charakterschtudie über Persönlichkeite bim Schtille vo fleischliche Glüscht. Uf dr Bühni si:

Ursi Ramstein-Rem als Gilberte Bucher
Karin Schmidlin isch d'Frau Kern
Martha Maggio i dr Rolle vom Irene Imark
Lorenz Borer schpiilt dr Herr Gango
Margrith Martina-Wey schpiilt sich sälber und dr
Rainer Meyer hett e Doppelrolle: Dr Seppi Brugger und dr Marcel Studer

Früsch vo dr Läbere
Do handelt's sich nid ume Briicht vo-me-ne Alkohol-Exzäss. Nei e paar Piccolo, unger dr Mitwirkigg vo ihrne Pfiffer, serviere öis s'Schtügg d'Pfalz. Als Biilaage isch dr Brahms und e Hampfle Boogie drbii. E Läggerbisse für alli Fründe vo dr pfiffige Fasnachts-Kultur.
E Gueti säge d'Pfluderi-Fäger.

Schlachtplatte mit Ketschup
Zum Dessert e Kultur-Protescht-Song. Vom Schlachthuus zum Kulturtämpel. E bekannti Melodii und e churze Iibligg i d'Gschicht vom Kulturforum a dr Birs. Das Lied goht denne nohtlos übere is Schlussbuggé - natürlich dr Schluss-Räp.

Teggscht si vom Lorenz Trottmann und em Patrik Hänggi.
Dr Lorenz Trottmann hett o s'Arrangschement gmacht.
Es begleitet s'Räp-Orcheschter.

Räbeli-Räp
Halt ebbe dr Räp für d'Fäns. S'Räbeliteam mit de Räp-Chäschte.


Und do nonemool d'Darschtelller:
Martha Maggio, Margrith Martina-Wey, Ursi Ramstein-Rem, Karin Schmdilin, Marcel Ackermann, Lorenz Borer Patrik Hänggi, Jörg Heizmann, Rainer Meyer

d'Räp-Chäschte, alias Räbeli-Orcheschter:
Lorenz Trottmann (Leitig und Piano), Steve Grütter (Gitarre), Toni Maggio (Schlagzüüg)

und öisi bewährte Muusig-Gruppe:
Pfluderi-Fäger-Clique, Laufe Dambuure vo dr Schtadtmuusig und d'Huusgugge

Adieu zämme!

Mir gseh öis wiider am Räbeli 2004, mit em Motto:

Räbeli-Stadel

c:Jö

 

 

 

 

facebook1

2016 © Räbeli - s' Laufner Fasnachts-Variété