s' Laufner Fasnachts Variété
s' Räbeli

s' Räbeli 2002

scannen0002_small
scannen0020_small
scannen0019_small
scannen0018_small
scannen0017_small
scannen0016_small
scannen0015_small
scannen0014_small
scannen0001_small
scannen0012_small
scannen0010_small
scannen0009_small
scannen0006_small
scannen0005_small
scannen0004_small
raebeli2002gygi01
raebeli2002gygi02
raebeli2002gygi03
raebeli2002gygi04
raebeli2002gygi05
raebeli2002gygi06
raebeli2002gygi07
raebeli2002gygi08
raebeli2002gygi09
raebeli2002gygi10
raebeli2002gygi11
raebeli2002gygi12
raebeli2002gygi13
raebeli2002gygi14
raebeli2002gygi15
raebeli2002gygi16
raebeli2002gygi17
raebeli2002gygi18
raebeli2002gygi19
raebeli2002gygi20
raebeli2002gygi21
raebeli2002gygi22
raebeli2002gygi23
raebeli2002gygi24

Sali zämme

Nach dr rauschende Première vom Räbeli, em Laufner Fasnachtsvarieté, im letschte Johr, wei mir is das Johr nid lo lumpe. Mir hei alli Regischter no wiiter uuse'zooge und hei s' Räbeli Nr. 2 uf d'Bei gschtellt. "Les Couleurs de Laufen" isch's Motto.
Jä jetz säget emool, s'Räbeli uf Französisch? Muesch dr Dixie-on-air mitbringe, drmit de druss chunntsch? Nei, alles halb so schlimm, s'Räbeli bliibt sinere Muetterschprooch treu: Dütsch, Neu-Dütsch, e chli dänglisch, e poco italiano, öbbis französisch und nid z'letscht e paar Brogge latinisch. Dir gseht, s'Räbeli isch internazional worde.
Mir zeige e breite Kweerschnitt duur d'Begäbeheite wo z'Laufe im vergangene Johr bassiert si. S'isch übrigens s'letschte Räbeli im Brauereichäller. Dä pittoresggi Chäller hett gwüssi Alterserschiinige und sett e Feis-Lifting ha. Aber deene wo das Gewölbe ghört, wüsse nid wie's wiitter goht. Me wett verchaufe...

Mir löh nis vo däm nid Bedrügge und wünsche

viil Vergniege

do bi eus im romantische, heimelige Chäller voller Ambiance.

 

Ohni Schponsore goht's nid. Dorum dangge mir ganz härzlich:

  • Raiffeisenbank Laufen, 4242 Laufen
  • Ricola-Vertriebs AG, 4242 Laufen
  • IG Laufen, Laufen hatt alles


s'Räbeli danggt em Brauereichäller-Verein für d'Ungerschtützig und für's Vertraue.

Und e schpezielle Dangg

  • dr Bäckerei Niderberger
    für d'Niederbergerli i dr Pause
  • dr Bernadette Heizmannfür's Koschtüm neie
  • em Larve-Atelier Hell Laufen für d'Larve vom Räbeler und 
  • em Richterich Mohrechöpf für d'Mohrechöpf

Veranschtalter

s'Räbeli
Postfach 617, 4242 Laufen

s'Räbeli-Team

Patrik Hänggi, Teggschter und Räper
Jörg Heizmann, Gugge, Teggscht und Räp
Martha Maggio, Perügge, Bar und Räp
Rainer Meyer, Teggscht, Bänggler, PR und Räp
Lorenz Trottmann, Muusig-Arrangschemänts, Räp

Reschii

s'Räbeli

Bühnibild

Nicole Schnell

Beliechtig

Jörg Schmidlin

Eusers Pausegirl

Marisa Hänggi

Gascht a dr Tuba

Marc Heizmann

 

Le programm du jour

Begriessig
s'Räbeli-Team und s' Räbeli-Räp-Orcheschter eröffne dr Obe.
Kei Break-Dance, kei Techno, weder mega no heavy no cool - nei, e ächte Laufner Ohreschmalz! Bodeschtändig, freihändig und unaaschtändig...!! ...und fascht uswändig - so wie dir's weit ghöre - gäll?!

Zwüsche de einzelne Schtüggli fägt euse Pausecloon/Pausegirl im Züüg ummenanger. Eso chönne mir, je nach Bedarf, d'Bühni umruume und d'Gruppe uf dr Bühni uffschtelle.

vo und mit em Marisa Hänggi

Dr Räbeler
Dr Jörg Heizmann als Homo carnevalissimo Räbeli. Är macht sich für die nöchschti Fasnacht barat und haltet e Plädwuar a d'Ziit vor dr Fasnacht, also a d'Vorfasnachtsziit. Es git e Huffe chlini und grossi Sache und Sächeli wo me mues dra dängge, wenn de wotsch Fasnacht mache. Und verdelli nid erscht im Februar, scho vorhär muesch aggtiv wärde und a d'Segg. Vo und mit em

Jörg Jö Heizmann

d'Räbeli-Gugge
S'Räbeli hett versuecht, uf em völlig usströchnete Laufner Guggemuusiger-Märt Muusiger z'finge, für e Nummere im Räbeli. Mir hei denne usserhalb vo de voll usglaschtete iheimische Guggemuusige no e parr Gugger gfunge, wo bereit si nonemool dr Roscht ab em Inschtrumänt z'chratze und i d'Hose z'schtiige.
Si gäbe öis e chline Iibligg i die erschti Proob.

Mohlermeischter Egon
S' erschte Rahmeschtüggli hütt z'Obe. Gschriibe hett's dr Rainer Meyer.
Vo hellgääl bis dunggelgrien hesch bim Isler alles chönne ha - für d'Schtuubewang, für e Fasnachtswaage oder für e Schaade a dr Fassade. Nach viile Johre mit kompetänter Fachberootig und Know-How isch es sowiit - dr Egon tuet si Rüggzug ufs Alteschtöggli vorbereite.
Mir gseh e paar Szene vom grosse Ändverchauf im Isler sim Farblaade i dr Buure-Gass.
Bsetzig vo däm Schtügg:

E Beibler - Borer Lorenz
Comité-Lutz - Marolf Thomas
Marlies vom Gschängglädeli - Margrith Martina-Wey
Molermeischter Egon - Rainer Meyer,
si Frau - Ursi Ramstein-Rem und
d'Frau Kern - Karin Schmidlin

The Winner is
Pfiffer und Dambuure vo dr Pfluderi-Fäger-Clique. Si hei sich schwer is Züüg gleit, und sich em harte internazionale Konkurränzkampf gschtellt. Öb Indianer oder Texaner, ob Cowboy oder Freiheitsschtatue, ob Nord- oder Südschtaatler, ob Unggle Säm oder Tante Bush, wichtig isch, die Pfiffer und Dambuure si bi eus drbii.

dr Dings Bums
Dr Einti vo deene zwee Schnitzelbängg isch das Johr solo on Tour. Är macht e Johresrüggblick uf s'Gscheeh do z'Laufe.
Mir fröie is, ass är o das Johr wiider drbii isch, ganz zur Ungerhaltig vo öisem Publikum.

Mir mache

Pause

a dr Bar.

A capella culturella
S'Räbeli bietet e kulturelli Betrachtig vo de diisbezügliche Aggtivitete z'Laufe. Semi-a-capella gsunge.
Es si drbii: Culturella singers: Cello Ackermann, Dominik Hänggi, Marisa Hänggi und Patrik Hänggi
Dr Teggscht isch vom Patrik Hänggi und s'Arrangschemänt vom Lorenz Trottmann
Begleitet (dorum semi-acapella) wärde si vom RRO (Räbeli Räp-Orcheschter)

Dambuure-Vortrag
D'United Drumms alis Schtadtmuusig-Dambuure entfiehre öis i ne astrali Wält. Wie ne Flug duur's Wältall chunnt's eim vor, wenn die 10 Dambuure im kosmische Liecht mit ihre astrale Rythme uff em Drummelfäll lande.

Prominänte Prävention
S'Räbeli uf Bsuech uf em Polizeiposchte.
D'Kriminalitet im Laufe Schtedtli nimmt zue. D'Behörde klärt uff im Kampf gege die Kriminelle. D'Polizei macht mit bekannter Laufner Servelaprominänz e Film drüber, wie hütt d'Verbrächer zueschlöh. Mir überchömme e Iibligg is "making off" vo däm Präventionsfilm, mit sine dramatische Szeene. Bsetzig vo däm Rahmeschtüggli:

Walthi Buecher - Lorenz Borer
Polizischt Nr. 1 - Patrik Hänggi
Jeannette Gerster - Margrith Martina-Wey
Frau Engel - Ursi Ramstein-Rem
Polizeihauptmeischtere Stephanie - Karin Schmidlin
Teggscht - Patrik Hänggi

s'Hochziitschtändeli
D'Räbeligugge zum zwöitemool uf dr Räbeli Bühni. Nachdäm mir ghört hei, wie d'Mitgliider vo deere zämmegwürflete Gruppe giebt hei, gültet's jetz ärnscht. Si si nämmli beriehmt worde und hei e Privatufftritt an-ere Laufner Priminänte-Hochziit.

Les couleurs de Laufon
E multikulturells Bar-Gschprööch vo aktuelle Problem i euserer genial-fatal-global-vernetzte Wält. Wie's in-ere Bar üblich isch, hetts o no musikalischi, resp. gesanglichi Ungerhaltig.
Es schtöh uf dr Bühni:

s'Bar-Team - Ursi Ramstein-Rem und Lorenz Borer
Teggscht und Arrangschemänt - Rainer Meyer und Lorenz Trottmann
Begleitig - Räbeli-Räp-Orcheschter und d' a capella singers

s'Laufestäbli
Will's Stäbli sälte ellei chunnt, chönne mir hütt deene dreine zueloose. Das heisst, eine singt, eine macht Begleitig und dr oder die dritti hebt dr Helge. Dä Schnitzelbangg isch dr letschti Programm-Punggt im Räbeli 02. Es chunnt nummeno

Merci et au revoir
Dr Räbeli Schluss-Räp vom Räbeli-Team und em Räbeli-Räp-Orcheschter.

Sali zämme, eis isch klar
Mir gseh öis i-ne paar Minute a dr Bar

Mir gseh öis am Räbeli 2003 im neue Kulturzentrum vo Laufe, mit em Motto

Schlachtplatte

c:Jö

 

 

 

 

 

 

 

 

 

 

facebook1

2016 © Räbeli - s' Laufner Fasnachts-Variété